________________
17. मणुसत्तणेण णट्ठो देही देवो हवेदि इदरो वा।
उभयत्थ जीवभावो ण णस्सदि ण जायदे अण्णो।।
18. सो चेव जादि मरणं जादि ण णट्ठो ण चेव उप्पण्णो।
उप्पण्णो य विणट्ठो देवो मणुसो त्ति पज्जाओ।।
19. एवं सदो विणासो असदो जीवस्स णत्थि उप्पादो।
तावदिओ जीवाणं देवो मणुसो त्ति गदिणामो।।
20. णाणावरणादीया भावा जीवेण सुट्ठ अणुबद्धा।
तेसिमभावं किच्चा अभूदपुव्वो हवदि सिद्धो।।
21. एवं भावमभावं भावाभावं अभावभावं च।
गुणपज्जयेहिं सहिदो संसरमाणो कुणदि जीवो।।
22. जीवा पुग्गलकाया आयासं अत्थिकाइया सेसा।
अमया अत्थित्तमया कारणभूदा हि लोगस्स।।
23. सब्भावसभावाणं जीवाणं तह य पोग्गलाणं च।
परियंट्टणसंभूदो कालो णियमेण पण्णत्तो।।
24.
ववगदपणवण्णरसो ववगददोगंधअट्टफासो य। अगुरुलहुगो अमुत्तो वट्टणलक्खो य कालो त्ति।।
चास्तिकाय (खण्ड-1) द्रव्य-अधिकार
(109)
