________________
40. अवरे अज्झवसाणेसु तिव्वमंदाणुभागगं जीवं।
मण्णंति तहा अवरे णोकम्मं चावि जीवो ति॥
41. कम्मस्सुदयं जीवं अवरे कम्माणुभागमिच्छंति।
तिव्वत्तणमंदत्तणगुणेहिं जो सो हवदि जीवो॥
42. जीवो कम्मं उहयं दोण्णि वि खलु केइ जीवमिच्छति। ___ अवरे संजोगेण दु कम्माणं जीवमिच्छति॥
43. एवंविहा बहुविहा परमप्पाणं वदंति दुम्मेहा।
ते ण परमट्ठवादी णिच्छयवादीहिं णिद्दिट्ठा॥
44. एदे सव्वे भावा पोग्गलदव्वपरिणामणिप्पण्णा।
केवलिजिणेहिं भणिया कह ते जीवो त्ति वुच्चंति॥
45. अट्टविहं पि य कम्मं सव्वं पोग्गलमयं जिणा बेंति।
जस्स फलं तं वुच्चदि दुक्खं ति विपच्चमाणस्स॥
46. ववहारस्स दरीसणमुवएसो वण्णिदो जिणवरेहि।
जीवा एदे सव्वे अज्झवसाणादओ भावा॥
47. राया हु णिग्गदो त्ति य एसो बलसमुदयस्स आदेसो।
ववहारेण दु उच्चदि तत्थेक्को णिग्गदो राया।
समयसार (खण्ड-1)
(85)
