________________
24. सव्वण्हुणाणदिट्ठो जीवो उवओगलक्खणो णिच्च । कह सो पोग्गलदव्वीभूदो जं भणसि मज्झमिणं ।।
25. जदि सो पोग्गलदव्वीभूदो जीवत्तमागदं इदरं । तो सक्को वत्तुं जे मज्झमिणं पोग्गलं दव्वं ।।
26. जदि जीवो ण सरीरं तित्थयरायरियसंशुदी चेव । सव्वा वि हवदि मिच्छा तेण दु आदा हवदि देहो ||
27. ववहारणओ भासदि जीवो देहो य हवदि खलु एक्को । ण दु णिच्छयस्स जीवो देहो य कदा वि एक्कट्ठो ॥
28. इणमण्णं जीवादो देहं पोग्गलमयं थुणित्तु मण्णदि हु संथुदो बंदिदो मए केवली
मुणी ।
भयवं ॥
29. तं णिच्छये ण जुज्जदि ण सरीरगुणा हि होंति केवलिणो । केवलिगुणो' थुणदि जो सो तच्चं केवलिं थुणदि । ।
30. णयरम्मि वण्णिदे जह ण वि रण्णो वण्णणा कदा होदि । देहगुणे थुव्वंते ण केवलिगुणा थुदा होंति ॥
31. जो इन्दिये जिणित्ता णाणसहावाधियं मुणदि आदं । तं खलु जिदिंदियं ते भांति जे णिच्छिदा साहू ।।
समयसार (खण्ड-1 1)
(83)
