________________
મોક્ષમાર્ગ
૧૦૩
૩૧૩. અચૌર્યાવ્રતી શ્રાવકે ન ચોરીનો માલ ખરીદવો જોઈએ
કે ન કોઈને ચોરી કરવા માટે પ્રેરવો જોઈએ. તેમ જ રાજ્ય વિરૂદ્ધ અર્થાત્ ટેકસ-કર વગેરેની ચેરી કે નિયમવિરૂદ્ધનું કોઈ કાર્ય કરવું નહીં જોઈએ. વસ્તુઓમાં ભેળસેળ વગેરે ન કરવી જોઈએ. ખોટા સિક્કા કે નોટ ન બનાવવા જોઈએ.
૩૧૪. સ્વ-સ્ત્રીમાં સંતુષ્ટ બ્રહ્મચર્યાણુવ્રતી શ્રાવકે વિવાહિત કે
અવિવાહિત સ્ત્રીથી સર્વથા દૂર રહેવું જોઈએ. અનંગ કીડા કરવી ન જોઈએ. પોતાનાં સંતાન સિવાય બીજાના વિવાહાદિ કરાવવામાં રસ ન લેવો જોઈએ. ( પોતાને પણ બીજી વખત વિવાહ ન કરવો જોઈએ એ અર્થ પણ આમાં શામિલ છે. ) કામસેવનની તીવ્ર લાલસાનો પણ ત્યાગ કરવો જોઈએ. '
૧૫-૩૧૬. અપરિમિત પરિગ્રહ અનંત તૃષ્ણાનું કારણ છે. એ બહુ જ
દોષયુક્ત છે તથા નરક ગતિનો માર્ગ છે. એટલા માટે પરિગ્રહ-પરિમાણવ્રતી વિશુદ્ધ ચિત્ત શ્રાવકે ક્ષેત્ર-મકાન, સોના-ચાંદી, ધન-ધાન્ય, દ્વિપદ-ચતુષ્પદ તથા ભંડાર (સંગ્રહ) વગેરે પરિગ્રહના અંગીકૃત પરિમાણનું અતિક્રમણ ન કરવું જોઈએ.
૩૧૭. એણે સંતોષ રાખવો જોઈએ. “ આ વખતે મેં ભૂલમાં થોડું
ભેગું કર્યું, આગળ આવશ્યકતા ઊભી થતાં ફરીથી વધુ ભેગું કરી વાળીશ.”– આવો વિચાર એણે ન કરવો જોઈએ.
૩૧૮. શ્રાવકનાં સાત શીલવતોમાં આ ત્રણ ગુણવ્રત છે– દિશા
વિરતિ, અનર્થદંડ-વિરતિ, તથા દેશાવકાશિક.
