________________
गामिल्लओ सागडिओ
[२]
अस्थि कोइ कम्हि गामिल्लओ गहवती परिवसइ। सो य अण्णया कयाई सगडं धण्णभरियं काऊणं, सगडे य तित्तिरि पंजरगयं बंधेत्ता पट्ठिओ नयरं । नयरगतो य गंधियपुत्तेहि दीसइ। सो य तेहिं पुच्छिओ-“किं एयं ते पंजरए"
ति।
तेण लवियं—“तित्तिरि" त्ति।
तओ तेहिं लवियं—“किं इमा सगडतित्तिरी विक्कायइ?" तेण . लवियं—“आमं, विक्कायइ”। तेहिं भणिओ—“किं लब्भइ?" सागडिएण भणियं—'काहावणेणे' ति।
तओ तेहिं कहावणो दिण्णो, सगडं तित्तिरं च घेतुं पयत्ता। तओ. तेणं सागडिएणं भण्णइ-“कीस एयं सगडं नेहि?" त्ति।
तेहिं भणियं—“माल्लेणं लइययं ” ति।
तओ ताणं ववहारो जाओ, जितो सो सागडिओ, हिओ य सो सगडो तित्तिरिए समं।
सो सागडिओ हियसगडोवगरणो जोग-खेम-निमित्तं आणिएल्लियं बइल्लं घेत्तूणं विक्कोसमाणो गंतुं पयत्तो, अण्णेण. य कुलपुत्तएणं दीसइ, पुच्छिओ य -"कीस विक्कोससि?"
तेण लवियं—“सामि ! एवं च एवं च अइसंधिओ हं।"
तओ तेण साणुकंपेण भणियँ - “वच्च, ताणं चेव गेहं एवं च एवं च भणहि" ति।
तओ सो तं वयणं सोऊण गओ, गंतण य तेण भणिआ—“सामि ! तब्भेहिं मम भंडभरिओ सगडो हिओ ता इमं पि बइल्लं गेण्हह । मम पुण सत्तु यादुपालियं देह, जं घेत्तूण वच्चामि त्ति । न य अहं जस्स व तस्स व हत्थेण गेण्हामि, जा तुज्झ घरिणी पाणेहि वि पिययरी सव्वालंकारभूसिया तीए दायव्वा, तओ मे परा तुट्ठी भविस्सइ। जीवलोगब्भंतरं व अप्पणं मन्निस्सामि।
तत्तो तेहिं सक्खो आहूया, भणियं च–“एवं होउं ” ति।
१८०
प्राकृत स्वयं-शिक्षक
