________________
___ प्राक्कथनम् । 'त्रिभुवनगुरोः श्रीवीरविभोः परमोपकारिण्यस्मिन् धर्मशासने तत्त्वानामधिगमस्यानेके मार्गाः प्रदर्शिताः सन्ति। तेषु श्रीतत्त्वार्थाधिगमशास्त्रे 'प्रमाणनयैरधिगमः ।। १-६।। सूत्रेऽतिशयेन बोधदायको द्वौ मार्गी पूर्वधरमहापुरुषवाचकवर्योमास्वातिमहर्षिभिः प्रदर्शितौ स्तः ।
आसन्नोपकारि-वीरविभोर्धर्मशासने तत्त्वबोधकयोः प्रमाणनयमार्गयोः प्रकाशनार्थं सुस्पष्टबोधार्थं च श्रीगणधरदेवाननुसृत्य श्रीउमास्वातिवाचकवयः, श्रीसिद्धसेनदिवाकरसूरिभिः, श्रीजिनभद्रगणिक्षमाश्रमणैः, कलिकालसर्वज्ञश्रीहेमचन्द्रसूरिभिः, १४४४ ग्रन्थसौधसूत्रधारैः श्रीहरिभद्रसूरिभिः, महोपाध्याययशोविजयगणिवरैः, महोपाध्याय-विनयविजयगणिवरैः, पण्डितपद्मसागरगणिवरैः सुबोधदायका ग्रन्था विरचिताः सन्ति । - तान् ग्रन्थान् पठन्तः पाठयन्तश्च न्याय-व्याकरण-काव्य-कोष- . छन्दोऽलङ्कारादिविषयेषु सुनैपुण्यधारका जैनेतरविद्वांसोऽपि जिनशासनस्य स्याद्वादसिद्धान्तं प्रति नतमस्तका बभूवुः भवन्ति भविष्यन्ति च । जिनशासनस्य तत्त्वव्यवस्थामतीतकाले प्रणेमुः वर्तमानकाले प्रणमन्ति भविष्यत्काले प्रणमिष्यन्ति च । केषामपि जैनतत्त्वव्यवस्थाया विघटनस्य सामर्थ्य न कदाचिदपि समभूत् । अत एव कथ्यते 'अप्रतिहतं जिनशासनम्' । तेषामेव श्रीउमास्वातिवाचकादि-पूर्वपुरुषाणां तत्त्वमार्गानुसरणं कृत्वाऽनन्तोपकारिअनन्तंकरुणासागर-चरमतीर्थपति-श्रीवीरविभूनां सप्तसप्ततितमे पट्टे विराजितानां परमशासनप्रभावकाणां सुविशालगच्छाधिपतीनां दीक्षादानवीराणां सिद्धान्तनिष्ठानामनुपमपुण्यनिधीनां व्याख्यानवाचस्पतीनां पूज्यपादानामाचार्यदेव श्रीमद्विजयरामचन्द्रसूरीश्वराणां शिष्यरत्नेन विद्वद्वर्येण मुनिना वैराग्यरतिविजयेनोपर्युक्तमहापुरुषाणां ग्रन्थराशिमवलोक्य तेषां ग्रन्थानां शब्दार्थं
VII
