________________
[६३०] .... प्राकृतव्याकरणम्
ईहरे वा।८।१। ५१ । हरशब्दे आदेरत ईर्वा भवति ॥ हीरो हरो ॥५१॥ ध्वनि-विधचोरुः । ८ । १ । ५२ । ।
अनयोरादेरस्य उत्वं भवति ॥ झुणी । वीसुं॥ कथं . सुणओ। शुनक इति प्रकृत्यन्तरस्य ॥ श्वनशब्दस्य तु सा साणो इति प्रयोगौ भवतः ।। ५२ ॥
चण्ड-खण्डिते णा वा । ८ । १ । ५३ । अनयोरादेरस्य णकारेण सहितस्य उत्वं वा भवति॥ घुडं चण्डं । खुडिओ खण्डिओ ॥५३॥
गवये वः । ८।१ । ५४ । गवयशब्दे वकाराकारस्य उत्व भवति ॥ गउओ। गउआ ॥ ५४ ॥
प्रथमे प-थोवा । ८ । १ । ५५ । प्रथमशब्दे पकारथकारयोरकारस्य युगपत् क्रमेण च उकारो वा भवति ।। पुदुमं पुढमं पदुमं पढमं ॥५५॥
ज्ञो णत्वेभिज्ञादौ । ८।१ । ५६ ।
अभिज्ञ एवंप्रकारेषु ज्ञस्य णत्वे कृते ज्ञस्यैव अत उत्वं भवति ॥ अहिण्णू । सव्वण्णू । कयण्णू। आगमण्णू ।। णत्व इति किम् । अहिजो । सव्वजो॥ अभिज्ञादाविति किम् । प्राज्ञः। पण्णो ॥ येषां ज्ञस्य णत्वे उत्वं दृश्यते ते अभिज्ञादयः ॥५६॥
