________________
[४४८] हैमशब्दानुशासनस्य
पर-जन-राज्ञोऽकोयः । ६।३। ३१ । एभ्यः शेषेऽर्थेऽकीयः स्यात् । परकीयः, जनकीयः, राजकीयः ॥ ३१ ॥
दोरीयः। ६ । ३ । ३२ । दुसंज्ञकात् शेषेऽर्थे ईयः स्यात् । देवदत्तीयः, तदीयः ॥३२॥
उष्णाऽऽदिभ्यः कालात् । ६ । ३। ३३ । उष्णादिपूर्वपदात् कालान्ताच्छेषेऽर्थे ईयः स्यात् । उष्णकालीयम् ॥ ३३॥
व्यादिभ्यो णिकेकणौ । ६ । ३ । ३४ । एभ्यो यः कालस्तदन्ताच्छेषेऽर्थे णिक इकण च स्यात् । वैकालिका, वैकालिकी, आनुकालिका, आनुकालिकी ॥३४॥
काश्यादेः । ६ । ३ । ३५। एभ्यो दुभ्यः शेषेऽर्थे णिक-इकणौ स्याताम् । काशिका, काशिकी, चैदिका, चैदिकी ॥ ३५ ॥ ,
वाहीकेषु ग्रामात् । ६ । ३ । ३६ । एषु ग्रामाद दोः शेषेऽर्थे णिकेकणौ स्याताम् । कारन्तपिका, कारन्तपिकी ॥ ३६ ॥
वोशीनरेषु । ६।३। ३७ । एषु ग्रामार्थाद् दोः शेषेऽर्थे णिकेकणौ वा स्याताम् । आह्वजालिका, आह्वजालिकी, आह्वजालीयः ॥ ३७॥
वृजि-मद्राद् देशात् कः । ६ । ३ । ३४ । वृजिमद्रशब्दाभ्यां देशवाचिभ्यां शेषेऽर्थे कः स्यात् । वृजिकः, मद्रकः ॥ ३८॥
