________________
भगवती सूत्र शः ३ उः २
endra withdraws his thunder-bo
तएणं तस्स सक्कस्स देविंदस्स देवरण्णो इमेयारूवे अज्झत्थिए जाव... समुप्पज्जित्था :
णो खलु पभू चमरे असुरिंदे असुरराया णो खलु समत्थे चमरे असुरिंदे असुरराया णो खलु विसए चमरस्स असुरिंदस्स असुररण्णो अप्पणो णिस्साए उड्ढं उप्पइत्ता जाव...सोहम्मो कप्पो णण्णत्थ अरिहंते वा अरिहंतचेइयाणि वा अणगारे वा भाविअप्पणो णीसाए उड्ढं उप्पयइ जाव... सोहम्मो कप्पो ।तं महादुक्खं खलु तहारूवाणं अरिहंताणं भगवंताणं अणगाराण य अच्चासायणाए।
त्ति कटु आभोइत्ता हा!
ओहिं पउंजइ । पउंजित्ता ममं ओहिणा आभोएइ । हा! अहो! हतो अहमंसि ।
त्ति कटु ताए उक्किट्ठाए जाव...दिव्वाए देवगईए वज्जस्स वीहि अणुगच्छमाणे अणुगच्छमाणे तिरियमसंखेज्जाणं दीव-समुदाणं मझमज्झेणं जाव...जेणेव असोगवरपायवे जेणेव मम अंतिए तेणेव उवागच्छइ ममं चउरंगुलमसंपत्तं वज्जं पडिसाहरइ। अवियाई मे गोयमा! मुट्ठिवाएणं केसग्गे वीइत्था। तएणं से सक्के देविंदे देवराया वज्जं पडिसाहरित्ता ममं तिक्खुत्तों आयाहिणपयाहिणं करेइ । करित्ता वंदइ णमंसइ । वंदित्ता णमंसित्ता एवं वयासी :
.. एवं खलु भंते! अहं तुभं णीसाए चमरेणं असुरिंदेणं असुररण्णा सयमेव अच्चासाइए । तएणं मए परिकुविएणं समाणेणं चमरस्स असुरिंदस्स असुररण्णो वहाए वज्जे णिसठे। तएणं ममं इमेयारूवे अज्झथिए जाव...समुप्पज्जित्था --पो खलु पभू चमरे असुरिंदे असुरराया तहेव जाव...ओहिं पउंजामि देवाणुप्पिए ओहिणा आभोएमि हा! हा! अहो! हओ म्हि। ति कटु ताए उक्किट्ठाए जाव...जेणेव देवाणुप्पिए तेणेव उवागच्छामि। देवाणुप्पियाणं चउरंगुलमसपत्तं वज्ज पडिसाहरामि। वज्जपडिसाहरणट्ठयाए णं इहमागए इह समोसढे इह संपत्ते इहेव अज्ज उवसंपज्जित्ता णं विहरामि तं खामेमि णं देवाणुप्पिया! खमंतु णं देवाणुप्पिया! खमंतुमरहंति णं देवाणुप्पिया ! णाइ भुज्जो एवं पकरणयाए ।
