________________
भगवती सूत्र शः १ उः५
[on the body of the infernal beings)
प्रश्न १७४-इमीसे णं भंते ! रयणप्पभाए जाव...एगमेगंसि निरायावासंसि ने रइयाणं कइ सरीरया पन्नत्ता?
उत्तर १७४-गोयमा! तिन्नि सरीरया पन्नत्ता । तं जहा वेउव्विए तेयए कम्मए।
प्रश्न १७५-इमीसे णं भंते ! जाव...वेउब्वियसरीरे वट्टमाणा नेरइया कि कोहोवउत्ता?
उत्तर १७५-गोयमा! सत्तावीसं भंगा भाणियव्वा। एएणं गमेणं तिन्नि सरीरा भाणियव्वा।
प्रश्न १७६-इमीसे णं भंते ! रयणप्पभापुढविए जाव...नेरइयाणं सरीरया कि संघयणी पन्नत्ता?
उत्तर १७६-गोयमा! छम्ह संघयणाणं अस्संघयणी नेवट्ठी नेवच्छिरा नेवण्हारूणि। जे पोग्गला अणिट्ठा अकंता अप्पिया असुहा अमणुन्ना अमणामा एतेसिं सरीरसंघायत्ताए परिणमंति।
प्रश्न १७७-इमीसे णं भंते ! जाव...छण्हं संघयणाणं असंघयणे वट्टमाणा णं नेरइया कि कोहोवउत्ता?
उत्तर १७७-गोयमा! सत्तावीसं भंगा।
प्रश्न १७८-इमीसे गं भंते ! रयण्णपभाए जाव...सरीरया किंसंठिया पन्नत्ता?
उत्तर १७८-गोयमा! दुविहा पन्नत्ता। तं जहा भवधारणिज्जा य उत्तरवेउव्विया य। तत्थ णं जे ते भवधारणिज्जा ते हुंडसंठिया पन्नत्ता । तत्थ णं जे ते उत्तरवेउव्विया ते वि इंडसंठिया पन्नत्ता।
प्रश्न १७९-इमीसे णं जाव...हुंडसंठाणे वट्टमाणा नेरइया कि कोहोवउत्ता?
उत्तर १७९-गोयमा!
सत्तावीसं भंगा।
