Charitra Darshan

SR No.: 002031
Original Sutra Author: N/A
Author: Ramanlal C Shah
Publisher: Mumbai Jain Yuvak Sangh
Publication Year: 2006
Total Pages: 344
Language: Gujarati
Classification: Book_Gujarati & Biography
File Size: 18 MB

Page 286

ઑફિસરો આશ્ચર્યચકિત થઈને જોઈ રહ્યા. બ્રિગેડિયરે પૂછ્યું,
કઈ કૉલેજમાં ભણાવો છો ?” સેન્ટ ઝેવિયર્સ કૉલેજ, સર!'
ઓહ! ધેટ્સ માય કૉલેજ, આઈ સ્ટડિડ ઇન ઝેવિયર્સ, ફાધર પેલેશિયો વોઝ અવર પ્રિન્સિપાલ. હમણાં કોણ છે પ્રિન્સિપાલ ?”
ફાધર બાલગે૨, સર !' ફાધર ફેલ છે કે ?' યસ, સર.'
ઇંગ્લિશ અને ફ્રેન્ચ ભણાવતા તથા રમતમગતનો વિભાગ સંભાળતા ફાધર ફેલ ત્યારે વિદ્યાર્થીઓમાં બહુ જાણીતા હતા.
બ્રિગેડિયર પારસી હતા અને મુંબઈના ઘણાખરા પારસીઓ એ દિવસોમાં ઝેવિયર્સ કૉલેજમાં જ દાખલ થતા. બ્રિગેડિયરની અને મારી એક કોલેજને કારણે અને એક ભાષાને કારણે એમને મળ્યાનો મને વિશેષ આનંદ થયો. આટલા બધા ઓફિસરો વચ્ચે મારા જેવા એક સાવ જુનિયર ઑફિસર સાથે બ્રિગેડિયર જેવા ઉચ્ચ ઑફિસરે આટલી વાતચીત કરી એ પણ મારે માટે ઘણી આનંદની અને ગૌરવની વાત ગણાય.
બ્રિગેડિયર સાથે બધાની પરિચયવિધિ અને પ્રાથમિક ઔપચારિક વાતચીત પછી ચા-બિસ્કિટ લઈ અમે છૂટા પડ્યા. સૌ પોતપોતાની ફરજ ઉપર ગયા. બ્રિગેડિયર આખો દિવસ ફરીને રેજિમેન્ટની એકેએક વસ્તુ ચકાસતા રહ્યા હતા.
તે દિવસે રાત્રે આઠ વાગ્યે રેજિમેન્ટલ ડિનર નાઈટ હતી. રેજિમેન્ટના બધા ઓફિસરો ઉપરાંત બહારના પણ કેટલાક ઓફિસરો મહેમાન તરીકે પધાર્યા હતા. વળી અમે પાંચ એન.સી.સી. ઓફિસરો પણ હતા. ઓફિસર્સ મૅસનું સ્થાન વિશાળ હતું. સ્વચ્છ અને શાંત વાતાવરણ હતું. લકરના મેસમાં, ક્વાર્ટર ગાર્ડમાં, સ્ટોરમાં કે બીજે કોઈ સ્થળે કાયમ બધું સ્વચ્છ, વ્યવસ્થિત અને ચકચકિત હોવું જ જોઈએ. તેમાં પણ બ્રિગેડિયર જેવા કોઈ ઉપરી ઓફિસર જ્યારે ઈન્સ્પેક્શન માટે આવવાના હોય ત્યારે તો પૂછવું જ શું? બેરરોએ અને મેસના સ્ટાફના માણસોએ ક્યાંય જરા સરખો ડાઘ જોવા ન મળે એટલું સુંદર ને વ્યવસ્થિત બધું ગોઠવ્યું હતું.
બધા ઓફિસરો ઇસ્ત્રીબંધ યુનિફોર્મ તથા ચકચકિત બૂટ, પટ્ટો, બકલ વગેરે સાથે મેસમાં આવ્યા હતા. બધા પોતાની સિનિયોરિટી પ્રમાણે ગોઠવાઈ ગયા હતા. વાતચીતો થતી પણ તે મંદ સ્વરે. ભેંસના ઘડિયાળમાં આઠનો ડંકો વાગ્યો એટલે મેસ હવાલદાર લાલ પટ્ટા સહિત સરસ શ્વેત યુનિફોર્મ પહેરીને માર્ચ કરીને બ્રિગેડિયર
૨૪ ન ચરિત્રદર્શન