Page Text
________________
१५. नंदिवद्धणकुमारकहाणयं
महराए नंदिवद्धणे कुमारे २८२ तेणं कालेणं तेणं समएणं महुरा नाम नयरी। भंडीरे उज्जाणे । सुदरिसणे जक्खे । सिरिदामे राया। बंधुसिरी भारिया। पुत्ते
नंदिबद्धणे कुमारे--अहीणपडि-पुण्ण-चिदियसरीरे जुवराया। तस्स सिरिदामस्स सुबंधू नाम अमच्चे होत्या--साम-दंड-भेय-उवप्पयाणनीति-सुप्पउत्त-नयविहिण्णू । तस्स णं सुबंधुस्स अमच्चस्स बहुमित्तपुत्ते नाम दारए होत्था--अहीण-पडिपुण्ण पंचिदियसरीरे । तस्स णं सिरिदामस्स रणो चित्त नाम अलंकारिए होत्था--सिरिदामस्स रणो चित्तं बहुविहं अलंकारियकम्मं करेमाणे सन्वट्ठाणेसु य सव्व भूमियासु य अंतेउरे य दिण्णवियारे यावि होत्था ।
भगवओ महावीरस्स समवसरणे गोयमण नंदिवद्धणस्स पुत्वभवपुच्छा २८३ तेणं कालेणं तेणं समएणं सामी समोसढे । परिसा निग्गया, राया निग्गओ जाव परिसा पडिगया।
तेणं कालेणं तेगं समएणं समणस्स भगवओ महावीरस्स जे? अंतेवासी-जाव-रायमग्गमोगाढे। तहेव हत्थी, आसे, पुरिसे पासइ । तेसि च णं पुरिसाणं मज्झगयं एगं पुरिसं पासइ-जाव-नर-नारीसंपरिवुडं । तए णं तं पुरिसं रायपुरिसा चच्चरंसि तत्तसि अयोमयंसि समजोइभयंसि सीहासणंसि निवेसावेति । तयाणंतरं च णं पुरिसाणं मज्झगयं बहि अयकलसेहि तहि समजोइभूएहि, अप्पेगइया तंबभरिएहि, अप्पेगइया तउयभरिएहि, अप्पेगइया सोसगभरिएपहि, अप्पेगइया कलकलभरिएहि, अप्पेगइया खारतेल्लभरिएहि महया-महया रायाभिसेएणं अभिसिंचंति । तयाणंतरं च तत्तं अयोमयं समजोइभयं अयोमयं संडासगं गहाय हारं पिणद्धति । तयाणंतरं च णं अद्धहारं पिणद्धति, तिसरियं पिण«ति, पालंबं पिणद्धति, कडिसुत्तयं पिणद्धति, पढें पिणद्धति, मउड पिणद्वंति। चिता तहेव-जाव-वागरेइ--
नंदिवद्धणस्स दुज्जोहणभवकहा २८४ एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे सोहपुरे नाम नयरे होत्था--रिद्धत्थिमियसमिद्धे ।
तत्थ णं सीहपुरे नयरे सीहरहे नामं राया होत्था । तस्स णं सोहरहस्स रण्णो दुज्जोहणे नामं चारगपाले होत्था--अहम्मिए-जाव-दुप्पडियाणंदे ।
चारगपालो दुज्जोहणो २८५ तस्स णं दुज्जोहणस्स चारगपालस्स इमेयारवे चारगभंडे होत्था--
तस्स णं दुज्जोहणस्स चारगपालस्स बहवे अयकुंडीओ--अप्पेगइयाओ तंबभरियाओ, अप्पेगइयाओ तउयभरियाओ, अप्पेगइयाओ सोसगभरियाओ, अप्पेगइयाओ कलकलभरियाओ, अप्पेगइयाओ खारतेल्लभरियाओ--अगणिकायंसि अद्दहियाओ चिट्ठति । तस्स णं दुज्जोहणस्त चारगपालस्स बहवे उट्टियाओ--अप्पेगइयाओ आसमुत्तभरियाओ, अप्पेगइयाओ हत्यिमुत्तभरियाओ, अप्पेगइयाओ उट्टमुत्तभरियाओ, अप्पेगइयाओ गोमुत्तभरियाओ, अप्पेगइयाओ महिसमुत्तभरियाओ, अप्पेगइयाओ अयमुत्तभरियाओ, अप्पेगइयाओ एलमुत्तरियाओ--बहुपडिपुण्णाओ चिट्ठति । तस्स णं दुज्जोहणस्स चारगपालस्स बहवे हत्थंडुयाण य पायंडुयाण य हडीण य नियलाण य संकलाण य पुंजा य निगरा य संनि
क्खित्ता चिट्ठति । ध० ० ६१
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |