Page Text
________________
४६८
धम्भकहाणुओगे छट्ठो खंधो
छिदइ, अप्पेगइयाणं कंबलए छिदइ, अप्पेगइयाणं अण्णमण्णाई अंगोवंगाई वियंगेइ, वियंगेत्ता जेणेव सए गिहे तेणेव उवागच्छइ, उवागच्छित्ता उप्पलाए कडग्गाहिणीए उवणेइ। तए णं सा उपला भारिया तेहिं बहहिं गोमंसेहि सोल्लेहि य तलिएहि य भज्जिएहि य परिसुक्केहि य लावणेहि य सुरं च महं च मेरगं च जाई च सीधं च पसण्णं च आसाएमाणी वीसाएमाणी परिभाएमाणी परिभजेाणी तं दोहलं विणेइ । तए णं सा उप्पला कूडग्गाहिणी संपुग्णदोहल्ला संमाणियदोहला विणीयदोहला विच्छिण्णदोहला संपण्णदोहला तं गम्भं सूहसूहेणं परिवहइ ।
दारयस्स जम्मो २१८ तए णं सा उप्पला कूडग्गाहिणी अण्णया कयाइ नवण्हं मासाणं बहुपडिपुण्णाणं दारगं पायाया।
तए णं तेणं दारएणं जायमेत्तेणं चेव महया-महया [चिच्ची ?] सद्देणं विघ? विस्सरे आरसिए । तए णं तस्स दारगस्स आरसियसई सोच्चा निसम्म हत्थिणाउरे नयरे बहवे नगरगोरुवा सणाहा य अणाहा य नगरगावीओ य नगरबलीवद्दा य नगरपड्डियाओ य नगरवसभा य भीया तत्था तसिया उब्विग्गा संजायभया सव्वओ समंता विपलाइत्था।
दारयस्स गोत्तासनामकरणं २१९ तए णं तस्स दारगस्स अम्मापियरो अयमेयारूवं नामधेनं करेंति--जम्हा णं अम्हं इमेणं दारएणं जायमेत्तेणं चेव महया-महय।
चिच्चीसद्देणं विधु? विस्सरे आरसिए, तए णं एयस्स दारगस्स आरसियसई सोच्चा निसम्म हत्थिणाउरे नयरे बहवे नगरगोरुवा -जाव-नगरवसभा य भीया तत्था तसिया उब्विग्गा संजायभया सब्बओ समंता विपलाइत्था, तम्हा णं होउ अम्हं दारए गोत्तासे नामेणं ।
तए णं से गोत्तासे दारए उम्मुक्कबालभावे जाए यावि होत्था।
भीममरणाणंतरं गोत्तासस्स कूडग्गाहत्तं २२० तए णं से भीमे कूडग्गाहे अण्णया कयाइ कालधम्मणा संजुत्ते।
तए णं से गोत्तासे दारए बहूणं मित्त-नाइ-नियग-सयण-संबंधि-परियणेणं सद्धि संपरिवुड़े रोयमाणे कंदमाणे बिलबमाणे भीमस्स कूडग्गाहस्स नीहरणं करेइ, करेता बहूई लोइयमयकिच्चाई करेइ। तए णं से सुनंदे राया गोत्तासं दारयं अण्णया कयाइ सयमेव कूडग्गाहत्ताए ठवेइ। तए णं से गोत्तासे दारए कूडग्गाहे जाए यावि होत्था--अहम्मिए-जाव-दुप्पडियाणंदे।
गोत्तासस्स मंसासणं नरयाइभवा य २२१ तए णं से गोत्तासे कडग्गाहे कल्लाकल्लि अद्धरत्तकालसमयंसि एगे अबीए सण्णद्ध-बद्धवम्मियकवए-जाव-गहियाउहप्पहरणे साओ
गिहाओ निज्जाइ, निज्जाइत्ता जेणेव गोमंडवे तेणेव उवागच्छड, उवागच्छिता बहूणं नगरगोरूवाणं सणाहाण य अणाहाण य-जाववियंगेइ, वियंगेत्ता जेणेव सए गेहे तेणेव उवागए। तए णं गोत्तासे कूडग्गाहे तेहिं बहूहिं गोमंसेहि सोल्लेहि य तलिएहि य भज्जिएहि य परिसुक्केहि य लावणेहि य सुरं च महं च मेरगं च जाइं च सीधं च पसण्णं च आसाएमाणे वीसाएमाणे परिभाएमाणे परिभंजेमाणे विहरइ। तए णं से गोत्तासे कूडग्गाहे एयकम्मे एयप्पहाणे एयविज्जे एयसमायारे सुबह पावकम्मं समज्जिगित्ता पंचवाससयाई परमाउं पालइत्ता अदुहबोवगए कालमासे कालं किच्चा दोच्चाए पुढवीए उक्कोसं तिसागरोवमदिइएसु नेरइएसु नेरइयत्ताए उववणे ।
उज्झिययस्स वत्तमाणभव-वण्णणं २२२ तए णं सा विजयमित्तस्स सत्थवाहस्स सुभद्दा नाम भारिया जार्यानदुया यावि होत्था--जाया-जाया दारगा विणिहायमाबजंति ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |