Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 447

१९२
धम्मकहाणुओगे तईओ खंधो
रंगिणीए सेणाए सद्धि संपरिडा महया भड-चडगर-रह-पहकर-विंदपरिक्खिस्सा सएहि-सएहि मगरेहितो अभिनिग्गच्छंति, अभिनिग्गकिछत्ता जेणेव पंचाले जणवए तेणेव पहारेत्थ गमणाए।
दुवयकयो वासुदेवाईणं सक्कारो ६८ तए णं से दुवए राया कोडंबियपुरिसे सद्दावेद, सद्दावेता एवं बयासी-च्छह गं तुमं देवाणुप्पिया! कंपिल्लपुरे नयरे बहिया गंगाए
महानईए अदूरसामंते एगं महं सयंवरमंडवं करेह-अणेगखंभ-सयसन्निविट्ठ लोलट्ठिय-सालभंजियागं-जाव-पासाईयं दरिसणिज्जं अभिरुवं पडिरूवं करेता एयमाणत्तियं पञ्चप्पिणह । ते वि तहेव पच्चप्पिणंति । तए णं से दुवए राया कोडुबियपुरिसे सद्दावेइ, सद्दावेत्ता एवं बयासी--खिप्पामेव भो वेवाणुप्पिया ! वासुदेवपामोक्खाणं बहणं रायसहस्साणं आवासे करेह, करेत्ता एयमाणत्तियं पच्चप्पिणह । ते वि तहेव पच्चप्पिणति । तए णं से दुवए राया वासुदेवपामोक्खागं बहूणं रायसहस्साणं आगमणं जाणेत्ता पत्तेयं-पत्तेयं हत्थिखंधवरगए सकोरेंटमल्लदामेणं छत्तेणं धरिज्जमाणेणं सेयवरचामराहि वीइज्जमाणे हय-गय-रह-पवरजोहकलियाए चाउरंगिणीए सेणाए सद्धि संपरिवुडे महया भड-चडगर-रहपहकर-विवपरिक्खित्ते अग्धं च पज्जंच गहाय सविड्ढीए कंपिल्लपुराओ निग्गच्छइ, निग्गच्छित्ता जेणेव ते वासुदेवपामोक्खा बहवे रायसहस्सा तेणेव उवागच्छइ, उवागचिछत्ता ताई वासुदेवपामोक्खाई अग्घेण य पज्जेण य सक्कारेइ सम्माणेइ, सक्कारेत्ता सम्माणेत्ता तेसि वासुदेवपामोक्खाणं पत्तेयं-पत्तेयं आवासे वियर। तए णं ते वासुदेवपामोक्खा जेणेव सया-सया आवासा तेणेव उवागच्छंति, उवागच्छित्ता हत्थिखंहितो पच्चोरुहंति, पच्चोरुहित्ता पत्तेयंपत्तेयं खंधावारनिवेसं करेंति, करेत्ता सएसु-सएसु आवासेसु अणुप्पविसंति, अणुष्पविसित्ता सएसु-सएसु आवासेसु आसणेसु य सयणेसु य सन्निसण्णा य संतुयट्टा य बहूहिं गंधव्वेहि य नाडएहि य उवगिज्जमाणा य उवनच्चिज्जमाणा य विहरंति । तए णं से दुवए राया कंपिल्लपुरं नयरं अणुप्पविसइ, अणुप्पविसित्ता विपुलं असण-पाण-खाइम-साइमं उवक्खडावेइ, उवक्खडावेत्ता कोडुंबियपुरिसे सद्दावेइ, सद्दावेत्ता एवं वयासी-- "गपछह णं तुम्भे देवाणुप्पिया ! विपुलं असण-पाण-खाइम-साइमं सुरं च मज्जं चमंसंच सीधं च पसन्नं च सुबहुं पुष्फ-वत्य-गंध-मल्लालंकारं च वासुदेवपामोक्खाणं रायसहस्साणं आवासेसु साहरह।" ते वि साहरंति । तए णं ते वासुदेवपामोक्खा तं विपुलं असण-पाण-खाइम-साइमं सुरं च मज्जं च मंसं च सोधुं च पसन्नं च आसाएमाणा विसादेमाणा परिभाएमाणा परिभुजेमाणा विहरति । जिमियमुत्तत्तरागया वि य गं समाणा आयंता चोक्खा परमसुइभूया सुहासणवरगया बहूहिं गंधव्वेहि य नाडएहि य उवगिज्जमाणा य उवनच्चिज्जमाणा य विहरंति ॥
दोवईए सयंवरो ७० तए णं से दुवए राया पच्चावरण्ह-कालसमयंसि कोडंबियपुरिसे सद्दावेइ, सद्दावेत्ता एवं बयासी--"गच्छह णं तुम्भे देवाणुप्पिया !
कंपिल्लपुरे सिंघाडग-तिग-चउक्क-चच्चर-चउम्मुह-महापह-पहेसु वासुदेवपामोक्खाणं रायसहस्साणं आवासेसु हत्थिखंधवरगया महयामहया सद्देणं उग्धोसेमाणा एवं वयह--एवं खलु देवाणुप्पिया ! कल्लं पाउप्पभायाए रयणीए उट्ठियम्मि सूरे सहस्सरस्सिम्मि दिणयरे तेयसा जलंते दुवयस्स रण्णो धूपाए, चुलणीए देवीए अत्तयाए, ठुज्जुणस्स भगिणीए, दोवईए रायवरकण्णाए सयंवरे भविस्सइ। तं नुम्भे गं देवागुप्पिया ! दुवयं रायाणं अणुगिण्हेमाणा व्हाया-जाव-सव्वालंकारविभूसिया हत्थिखंधवरगया सकोरेंटमल्लदामेणं छत्तेणं धरिज्जमाणेणं सेयवरचामराहिं बीइज्जमाणा हय-य-रह-पवरजोहकलियाए चाउरंगिणीए सेणाए सद्धि संपरिवडा महयाभड-चडगररह-पहकर-विंदपरिक्खित्ता जेणेव सयंवर-मंडवे तेणेव उवागच्छह, उवागच्छित्ता पत्तेयं-पत्तेयं नामंकिएसु आसणेसु निसीयह, निसीइत्ता बोवई रायवरकण्णं पडिवालेमाणा-पडिवालेमाणा चिट्ठह त्ति घोसणं घोसेह, घोसेत्ता मम एयमाणत्तियं पच्चप्पिणह।"
तए णं ते कोडुंबियपुरिसा तहेव-जाव-पच्चप्पिणंति ॥ ७१ तए णं से दुवए राया कोडुंबियपुरिसे सद्दावेइ, सहावेत्ता एवं वयासी--
"गच्छह णं तुम्भे देवाणुप्पिया! सयंवरमंडवं आसिय-समज्जिओवलितं पंचवण्णपुप्फोवयारकलियं कालागरु-पवरकुंदुरुषक-तुरुक्कधूब-डझंत-सुरभिमघमघेत-गंधुद्धयाभिरामं सुगंधवरगंधगंधियं गंधवट्टि भूयं मंचाइमंचकलियं करेह कारवेह, करेता कारवेत्ता बासुदेवपामोक्खाणं बहूर्ण रायसहस्साणं पत्तेयं-पत्तेयं नामंकियाई आसणाई अत्थुयपच्चत्थुयाई रएड, रएत्ता एयमाणत्तियं पच्चप्पिणह । ते वि -जाव-पच्चप्पिणंति ॥