Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 423

१६८
धम्मकहाणुओगे दुतीयो खंधी
तए णं से पुंडरीए राया कंडरीयं दोच्चंपि तच्चपि एवं वयासी -"मा णं तुमं भाउया ! इयाणि मुंडे भवित्ता णं अगाराओ अणगारियं पब्वयाहि । अहं गं तुमं महारायाभिसेएणं अभिसिंचामि ॥" तए णं से कंडरीए पुंडरीयस्स रण्णो एयमद्वं नो आढाइ नो परियाणाइ तुसिणीए संचिट्ठइ। तए णं पुंडरीए कंडरीयकुमार जाहे नो संचाएइ बहूहि आघवणाहि य पण्णवणाहि य-जाव-ताहे अकामए चेव एपमठें अणमन्नित्था जाव-निक्खमणाभिसेएणं अभिसिंचइ जाव थेराणं सीसभिक्खं दलयइ । पन्वइए । अणगारे जाए। एक्कारसंगवी। तए णं थेरा भगवंतो अण्णया कयाइ पुंडरोगिणीओ नयरीओ नलिणिवणाओ उज्जाणाओ पडिनिक्खमंति, बहिया जगवविहारं विहरंति॥
कंडरीयस्स वेयणा ६४१ तए णं तस्स कंडरीयस्स अणगारस्स तेहिं अंतेहि य पंतेहि य-जाव-दाहवक्कंतीए यावि विहरइ ।
तए णं थेरा अण्णया कयाइ जेणेव पोंडरीगिणी नयरी तेणेव उवागच्छंति, उवागच्छित्ता नलिणीवणे सभोसढ़ा । पुंडरीए निग्गए। धम्म सुणेइ॥
कंडरीयस्स तिगिच्छा ६४२ तए णं पुंडरीए राया धम्म सोच्चा जेणेव कंडरीए अणगारे तेणेव उवागच्छाइ, उवागच्छित्ता कंडरीयं वंदइ नमसइ, बंदित्ता
नमंसिता कंडरीयस्स अणगारस्स सरीरगं सव्वाबाहं सरोगं पासइ, पासित्ता जेणेव थेरा भगवंतो तेणेव उवागच्छइ, उवागच्छित्ता थेरे भगवंते वंदइ नमसइ, वंदित्ता नमंसित्ता एवं वयासी"अहणणं भंते ! कंडरीयस्स अणगारस्स अहापवत्तेहिं ओसह-भेसज्ज-भत्त-
पाहि तेगिच्छं आउटामि। तं तुम्भे णं भंते ! मम जाणसालासु समोसरह ॥" तए णं थेरा भगवंतो पुंडरीयस्स एयमढं पडिसुणेति, पडिसुणेत्ता जेणेव पुंडरीयस्स रण्णो जाणसाला तेणेव उवागच्छंति, उवागचिछत्ता फासुएसणिज्जं पीढ-फलग-सेज्जा-संथारगं उवसंपज्जित्ता णं विहरंति ॥ तए णं पुंडरीए राया तेगिच्छिए सद्दावेइ, सद्दावेता एवं वयासी-- "तुब्भ ण देवाणुप्पिया! कंडरीयस्स फासु-एसणिज्जेणं ओसह-भेसज्ज-भत्त-पाणेणं तेगिच्छं आउट्टेह ॥" तए णं ते तेगिच्छिया पुंडरीएणं रण्णा एवं वुत्ता समाणा हट्ठतुट्ठा कंडरीयस्स अहापवत्तेहि ओसह-भेसज्ज-भत्त-पाणेहि तेगिच्छं आउद्देति, मज्जपाणगं च से उवविसंति ॥ तए णं तस्स कंडरीयस्स अहापवसेहि ओसह-भेसज्ज-भत्त-पाहि मज्जपाणएण य से रोगायके उवसंते यावि होत्था---हढे बलियसरीरे जाए ववगयरोगायंके।
कंडरीयस्स पमत्तविहारो ६४३ तए णं थेरा भगवंतो पुंडरीयं रायं आपुच्छति, आपुच्छित्ता बहिया जणवयविहारं विहरंति ॥
तए णं से कंडरीए ताओ रोयायंकाओ विप्पमुक्के समाणे तंसि मणुण्णंसि असणपाण-खाइम-साइमंसि मुच्छिए गिद्ध गढिए अज्ववण्णे नो संचाएइ पुंडरीयं आपुचिछत्ता बहिया अम्भुज्जएणं जणवयविहारेणं विहरित्तए तत्थेव ओसने जाए।
पुंडरीएण पडिबोहो ६४४ तए णं से पुंडरीए इमीसे कहाए लद्धढे समाणे व्हाए अंतेउर-परियाल-संपरिवडे जेणेव कंडरीए अणगारे तेणेव उवाच्छद, उवा
गच्छित्ता कंडरीयं तिक्खुत्तो आयाहिण-पयाहिणं करेइ, करेता वंदइ, नमसइ, वंदित्ता, नमंसित्ता एवं वयासी -- "धन्ने सि णं तुम देवाणुप्पिया ! कयत्थे कयपुण्ण कयलक्खणे। सुलद्धे णं देवाणुप्पिया! तव माणुस्सए जम्म-जीवियफले जे गं तुम रज्जं च रठं च कोसं च कोट्ठागारं च बलं च वाहणं च पुरं च अंतेउरं च विछड्डुत्ता विगोवइत्ता, दाणं च दाइयाणं परिभायइत्ता, मुंडे भवित्ता अगाराओ अणगारिय पन्वइए, अहण्णं अधन्ने अज्झोववण्णे नो संचाएमि जाव पव्वइत्तए । तं धन्ने सि णं तुम देवाणुप्पिया। कयत्थे कयपुण्णे कयलक्खणे। सुलद्ध गं देवाणुप्पिया ! तव माणुस्सए जम्मजीवियफले ॥ तए णं से कंडरीए अणगारे पुंडरीयस्स एयमलैं नो आडाइ नो परियाणाइ तुसिणीए संचिइ॥