Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 377

१२२
धम्मकहाणुओगे दुतीओ खंधो
भारियं जसं पइ पुरोहिओ४८५ पहीणपुत्तस्स हु नत्थि वासो, वासिट्टि ! भिक्खायरियाइ कालो। साहाहि रुक्खो लहए समाहि, छिन्नाहि साहाहि तमेव खाणुं ॥२९॥
पंखाविहूणो व जहेव पक्खी, भिच्चव्विहूणो व्व रणे नरिंदो। विवन्नसारो वणिओ व्व पोए, पहीणपुत्तो मि तहा अहंपि ॥३०॥ जसा-- सुसंभिया कामगुणे इमे ते, संपिडिया अग्गरसप्पभूया । भुंजामु ता कामगुणे पगामं, पच्छा गमिस्सामु पहाणमग्गं ॥३१॥ पुरोहिओ-- भुत्ता रसा भोइ ! जहाइ णे वओ, न जीवियट्ठा पजहामि भोए। लाभं अलाभं च सुहं च दुक्खं, संचिक्खमाणो चरिस्सामि मोणं ॥३२॥ जसा -- मा हू तुमं सोयरियाण संभरे, जुण्णो व हंसो पडिसोत्तगामी । भुंजाहि भोगाई मए समाणं, दुक्खं खु भिक्खायरियाविहारो ॥३३॥ पुरोहिओ-- जहा य भोई तणुयं भयंगो, निम्मोणि हिच्च पलेइ मुत्तो । एमेए जाया पयहंति भोए, ते हैं कहं नाणुगमिस्समेक्को ? ॥३४॥ छिदित्तु जालं अबलं व रोहिया, मच्छा जहा कामगुणे पहाए। धोरेयसीला तवसा उदारा, धीरा हु भिक्खायरियं चरंति ॥३५॥ जसा-- नहे व कुंचा समइक्कमंता, तयाणि जालाणि दलित्तु हंसा । पलिति पुत्ता य पई य मझ, ते हं कह नाणुगमिस्समेक्का ? ॥३६॥
कमलावई रायाणं पइ-- ४८६ पुरोहियं तं ससुयं सदारं, सोच्चाऽभिनिक्खम्म पहाय भोए । कुटुंबसारं विउलुत्तमं च, रायं अभिक्ख समुवाय देवी ॥३७॥
वंतासी पुरिसो रायं ! न सो होई पसंसिओ। माहणेण परिच्चत्तं, धणं आयाउमिच्छसि ॥३॥ सव्वं जग जइ तुहं, सव्वं वा वि धणं भवे । सव्वं पि ते अपज्जतं, नेव ताणाय तं तव ॥३९॥ मरिहिसि रायं ! जया तया वा, मणोरमे कामगुणे पहाय । एक्को हु धम्मो नरदेव ! ताणं, न विज्जई अन्नमिहेह किंचि ॥४०॥ नाहं रमे पक्खिणि पंजरे वा, संताणछिन्ना चरिस्सामि मोणं । अकिंचणा उज्जुकडा निरामिसा, परिग्गहारंभनियत्तदोसा ॥४१॥ दवग्गिणा जहा रणे, उज्झमाणेसु जंतुसु । अन्ने सत्ता पमोयंति, रागद्दोसवसं गया ॥४२॥ एवमेव वयं मूढा, काम-भोगेसु मुच्छिया। उज्झमाणं न बुज्झामो, रागद्दोसग्गिणा जगं ॥४३॥ भोगे भोच्चा वमित्ता य, लहुभूयविहारिणो। आमोयमाणा गच्छंति, दिया कामकमा इव ॥४४॥ इमे य बद्धा फंदंति, मम हत्थाज्जमागया । वयं च सत्ता कामेसु, भविस्सामो जहा इमे ॥४५॥ सामिसं कुललं दिस्स, बज्झमाणं निरामिसं । आमिसं सव्वमुज्झित्ता, विहरिस्सामि निरामिसा ॥४६॥ गिद्धोवमा उ नच्चाणं, कामे संसारवड्ढणे । उरगो सुवण्णपासे व्व, संकमाणो तणुं चरे ॥४७।। नागो व्व बंधणं छित्ता, अप्पणो वसहिं वए। एयं पत्थं महारायं, उस्सुयारि ति मे सुयं ॥४॥
रायाईणं पव्वज्जा ४८७ चइत्ता विउलं रज्जं, कामभोगे य दुच्चए । निविसया निरामिसा, निन्नेहा निप्परिग्गहा ॥४९॥
सम्मं धम्म वियाणित्ता, चिच्चा कामगुणे वरे । तवं पगिज्झऽहक्खायं, घोरं घोरपरक्कमा ॥५०॥ एवं ते कमसो बुद्धा, सव्वे धम्मपरायणा । जम्म-मच्चु-भउविग्गा, दुक्खस्संतगवेसिणो ॥५१॥ सासणे विगयमोहाणं, पुवि भावणभाविया । अचिरेणेव कालेणं, दुक्खसंतमुवागया ॥५२॥ राया सह देवीए, माहणो य पुरोहिओ । माहणी दारगा चेव. सव्वे ते परिनिव्वुडा ॥५३॥
॥त्ति बेमि ॥
उत्तर० अ० १४।