Page Text
________________
४२७
धम्मकहाणुओगे दुतीयो खंधो तए णं से सुमुहे गाहावई सुदत्तं अणगारं एज्जमाणं पासइ, पासित्ता हट्टतुट्ठ आसणाओ अब्भुट्ठ इ, अब्भुट्ठत्ता पायवीढाओ पच्चोसहइ, पच्चोरुहिता पाउयाओ ओमयइ, ओमुइत्ता एगसाडियं उत्तरासंगं करेइ, करेत्ता सुदत्तं अणगारं सत्तट्ठ पयाई पच्चुग्गच्छइ, पच्चुग्गच्छित्ता तिक्खुत्तो आयाहिणं पयाहिणं करेइ, करेत्ता वंदइ नमसइ, बंदित्ता नमंसित्ता जेणेव भत्तघरे तेणेव उवागच्छइ, उवागच्छित्ता सयहत्थेणं विउलेणं असण-पाण-खाइम-साइमेणं पडिलाभेस्सामीति तुट्ठ पडिलाभेमाणे वि तुट्ठ पडिलाभिए वि तुट्ठ॥ अणगारभिक्खावेलाए पंचदिव्वपाउन्भवो तए णं तस्स सुमुहस्स गाहावइस्स तेणं दव्वसुद्धणं गाहगसुद्धणं दायगसुद्धणं तिविहेणं तिकरणसुद्धेणं सुदत्ते अणगारे पडिलाभिए समाणे संसारे परित्तीकए, मणुस्साउए निबद्धे, गेहंसि य से इमाइं पंच दिव्वाई पाउन्भुयाई, तं जहा-वसुहारा बुढा, दसद्धवष्णे कुसुमे निवातिते, चेलुक्खेवे कए, आहयाओ देवदुंदुभीओ. अंतरा वि य णं आगासंसि 'अहो दाणे अहो दाणे घुटु य । हत्थिणाउरे सिंघाडग-तिग-चउक्क-चच्चर-चउम्मुह-महापह-पहेसु बहुजगो अण्णमण्णस्स एवं आइक्खइ एवं भासेइ एवं पण्णवेइ एवं परूवेइधण्णे णं देवाणुप्पिया ! सुमुहे गाहाबई पुण्णे णं देवाणुप्पिया! सुमुहे गाहावई एवं-कयत्थे णं कयलक्खणे णं सुलद्धे णं सुमुहस्स गाहावइस्स जम्मजीवियफले, जस्स णं इमा एयारूवा उराला माणुस्सिड्ढी लद्धा पत्ता अभिसमण्णागया। तं धणे णं देवाणुप्पिया! सुमुहे गाहावई पुण्णे णं देवाणुप्पिया! सुमुहे गाहावई एवं-कयत्थे णं कयलक्खणे णं सुलद्धे णं सुमुहस्स गाहावइस्स जम्मजीवियफले, जस्स णं इमा एयारुवा उराला माणुस्सिड्ढी लद्धा पत्ता अभिसमण्णागया।
सुमुहस्स सुबाहुभवो तए णं से सुमुहे गाहावई बहूई वाससयाई आउयं पालेइ, पालइत्ता कालमासे कालं किच्चा इहेव हत्थिसीसे नयरे अदोणसत्तुस्स रण्णो धारिणीए देवीए कुच्छिसि पृत्तत्ताए उववण्णे ॥ तए णं सा धारिणी देवी सयणिज्जंसि सुत्तजागरा ओहीरमाणी-ओहीरमाणी तहेव सीहं पासइ, सेसं तं चेव-जाव-उप्पि पासाए विहरइ। तं एवं खलु गोयमा ! सुबाहुणा इमा एयारूवा उराला माणुसिड्ढी लद्धा पत्ता अभिसमण्णागया ॥" 'पभू णं भंते ! सुबाहुकुमारे देवाणुप्पियाणं अंतिए मुंडे भवित्ता अगाराओ अणगारियं पव्वइत्तए?" "हंता, पभू॥ तए णं से भगवं गोयमे समणं भगवं महावीरं वंदइ नमसइ, वंदित्ता नमंसित्ता संजमेणं तवसा अप्पाणं भावमाणे विहरइ॥ तए णं समण भगवं माहवीरे अण्णया कयाइ हथिसीसाओ नयराओ पुप्फकरंडयउज्जाणाओ कयवणमालपियजक्खाययणाओ पडिनिक्खमइ, पडिनिक्खमित्ता बहिया जणवयविहारं विहरइ॥ तए णं से सुबाहुकुमारे समणोवासए जाए--अभिगयजीवाजीवे-जाव-पडिलाभेमाणे विहरइ॥ तए णं से सुबाहुकुमारे अण्णया कयाइ चाउद्दसटुमुद्दिट्टपुष्णमासिणीसु जेणेव पोसहसाला तेणेव उवागच्छइ, उवागच्छित्ता पोसहसालं पमज्जइ, पमज्जित्ता उच्चारपासवणभूमि पडिलेहेइ, पडिलेहेत्ता दब्भसंथारं संथरइ, संथरित्ता दब्भसंथारं दुरूहइ, दुरूहित्ता अट्ठमभत्तं पगिण्हइ, पगिण्हित्ता पोसहसालाए पोसहिए अट्ठमभत्तिए पोसहं पडिजागरमाणे विहरइ॥
सुबाहुकुमारस्स पव्वज्जा ४२९ तए णं तस्स सुबाहुस्स कुमारस्स पुव्वरत्तावरत्तकालसमयंसि धम्मजागरियं जागरमाणस्स इमेयारूवे अज्झथिए-जाव-संकप्पे समुप्प
ज्जित्था-धण्णा णं ते गामागर-णयर-णिगम-रायहाणि-खेड-कब्बड-दोणमुह-मडब-पट्टणासम-संबाह-सण्णिवेसा, जत्थ णं समणे भगवं महावीरे विहरइ। धण्णा णं ते राईसर-तलवर-माडंबिय-कोडुंबिय-इन्भ-सेट्ठि-सेणावइ-सत्यवाहप्पभियओ, जे ण समणस्स भगवओ महावीरस्स अंतिए मुंडा भवित्ता अगाराओ अणगारियं पव्वयंति। धण्णा णं ते राईसर-तलबर-माडंबिय-कोडुबिय-इन्भ-सेटि-सेणावइ-सत्थवाहप्पभियओ, जे णं समणस्स भगवओ महावीरस्स अंतिए पंचाणुव्वइयं सत्तसिक्खावइयं-दुवालसविहं गिहिधम्म पडिवज्जति । धण्णा णं ते राईसर-तलवर-माडंबिय-कोडुंबिय-इन्भ-सेट्ठि-सेणावइ-सत्थवाह-प्पभियओ, जे गं समणस्स भगवओ महावीरस्स अंतिए धम्मं सुणेति।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |