Page Text
________________
९८
धम्मकहाणुओगे दुतीयो खंधो
३९७ भंते ! ति भगवं गोयमे समणं भगवं महावीरं वंदइ नमसइ, वंदित्ता नमंसित्ता एवं वयासी
"एवं खलु देवाणुप्पियाणं अंतेवासी जाली नाम अणगारे पगइभद्दए-जाव-विणोए। से णं जाली अणगारे कालगए कहिं गए? कहिं उववण्णे?" "एवं खलु गोयमा ! ममं अंतेवासी तहेव जहा खंदयस्स-जाव-कालगए उड्ढं चंदिम-सूर-गहगण-नक्खत्त-तारारूवाणं-जाव-विजए विमाणे देवत्ताए उववण्णे ॥" "जालिस्स णं भंते ! देवस्स केवइयं कालं ठिई पण्णत्ता?" "गोयमा! बत्तीसं सागरोवमाइं ठिई पण्णता ॥" "से णं भंते ! ताओ देवलोयाओ आउक्खएणं भवक्खएणं ठिइक्खएणं कहिं गच्छिहिइ ? कहि उववज्जिहिइ ?" गोयमा ! महाविदेहे वासे सिज्झिहिइ-जाव-सव्वदुक्खाणमंतं काहिइ ।
मयालिपभिइसमणा ३९८ एवं सेसाण वि नवण्हं भाणियब्वं, नवरं-सत्त धारिणिसुआ, वेहल्ल वेहायसा चेल्लणाए, अभए नंदाए। सवसि सेणिओ पिया।
आइल्लाणं पंचण्हं सोलस वासाइं सामण्णपरियाओ। तिण्हं बारस वासाई। दोण्हं पंच वासाई। आइल्लाणं पंचण्हं आणुपुवीए उववाओ विजए वेजयंते जयंते अपराजिए सव्वट्ठसिद्धे। दोहदंते सव्वट्ठसिद्धे उक्कमेणं सेसा । अभओ विजए। सेसं जहा पढमे ।।
__ अणुत्त० व०१, अ०१-१०॥ दोहसेणाइ समणा
संगहणी-गाहा३९९ १. दोहसेणे २. महासेणे, ३. लट्ठदंते य ४. गूढदंते य ५. सुद्धदंते य।
६. हल्ले ७. दुमे ८. दुमसेणे, ९. महादुमसेणे य आहिए ॥१॥ १०. सीहे य ११. सोहसेणे य, १२. महासीहसेणे य आहिए।
१३. पुण्णसेणे य बोधव्वे, तेरसये होइ अज्झयणे ॥२॥ ४०० तेणं कालेणं तेणं समएणं रायगिहे नयरे। गुणसिलए चेइए। सेणिए राया। धारिणी देवी। सीहो सुमिणे। जहा जाली तहा
जम्मं बालत्तणं कलाओ, नवरं-दोहसेणो कुमारो सच्चेव वत्तव्वया जहा जालिस्स-जाव-अंतं काहिइ। एवं तेरस वि रायगिहे नयरे । सेणिओ पिया। धारिणी माया। तेरसह वि सोलस वासा परियाओ। आणपु-वीए विजए दोण्णि, वेजयंते दोण्णि, जयंते दोण्णि, अपराजिए दोण्णि, सेसा महादुमसेणमादी पंच सव्वट्ठसिद्धे॥
अणुत्त० व, २, अ. १-१३ ।
२६. महावीरतित्थे सत्थवाहपुत्ते धण्णे अणगारे
संगहणी-गाहाओ ४०१ १.धण्णे य २. सुणक्खत्ते य, ३. इसिदासे य आहिए।
४. पेल्लए ५. रामपुत्ते य, ६. चंदिमा ७. पिट्टिमा इ य॥१॥ ८. पेढालपुत्ते अणगारे, नवमे पोट्टिले वि य । १०. वेहल्ले दसमे वुत्ते, इमे य दस आहिया ॥२॥
धण्णस्स गिहवासे ४०२ तेणं कालेणं तेणं समएणं काकंदी नाम नयरी होत्या--रिद्धस्थिमियसमिद्धा। सहसंबवणे उज्जाणे-सव्वोउय-पुप्फ-फल-समिद्धे ।
जियसत्तू राया।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |