________________
९२
धम्मकहाणुओगे पढ़मखंधे ४०१ से जहा णामए अज्जो ! मए समणाणं निग्गंथाणं सेज्जायपिंडेइ वा, रायपिंडेइ वा पडिसिद्धे,
एवामेव महापउमे वि अरहा समणाणं निग्गंथाणं सेज्जायपिडेइ वा रायपिंडेइ वा पड़िसेहिस्सइ ।
संपत्तिसामण्णं
४०२ से जहा णामए अज्जो ! मम नव गणा, एगारस गणधरा।
एवामेव महापउमस्स वि अरहओ नव गणा, एगारस गणधरा भविस्संति । आयुसो सामण्णं
.
४०३ से जहा णामए अज्जो! अहं तीसं वासाई अगारवासमझे वसित्ता मुंडे भविता - जाव - पब्बइए, दुवालस संवच्छराई तेरस
पक्खा छउमत्थपरियागं पाउणित्ता, तेरसहि पहिं उणगाई तीसं वासाई केवलिपरियागं पाउणिता, बायालीसं वासाई सामण्णपरियागं पाउणित्ता, बावत्तरि वासाई सव्वाउयं पालइत्ता, सिज्झिास्सं - जाव - सव्वदुक्खाणमंतं करेस्सं, एवामेव महापउमे वि अरहा तीसं वासाई अगारबासमझें वसित्ता - जाव - पवहिइ, दुवालस संवच्छराई - जाव - बावत्तरिवासाई सव्वाउयं पालइत्ता सिज्झिहिइ - जाव - सव्वदुक्खाणमंतं काहिइ गाहा-जंसीलसमायारो, अरहा तित्थंकरो महावीरो। तस्सीलसमायारो, होइ उ अरहा महापउमे ॥१॥
ठाणं अ० ९, स० ६९३ ।
अरहया महापउमेण अद्वरायाणो दिक्खिया भविस्संति ४०४ अरहा णं महापउमे अट्ठ रायाणो मुंडा भवित्ता अगाराओ अणगारितं पवावेस्सति, तं जहा - १ पउमं, २ पउमगुम्म, ३ णलिणं, ४ पलिणगुम्मं, ५ पउमद्धयं ६ घणुद्धयं, ७ कणगरह, ८ भरहं ।
ठाणं अ० ९, स० ६२५ ।
८. तित्थयर-सामण्णं
अड्ढाइज्जेसु दीवेसु अरहंताइवंससमुप्पत्ती ४०५ जंबुद्दीवे दीवे भरहेरवएसु वासेसु एगसमये एगजुगे दो अरहंतवंसा उप्पज्जिसु वा उप्पज्जति वा उप्पज्जिस्संति वा ।
४०६ जंबुद्दीवे दीवे भरहेरवएसु वासेसु एगसमये एगजुगे दो चक्कवट्टिवंसा उप्पज्जिसु वा उप्पज्जति वा उप्पज्जिस्संति वा ।
४०७ जंबुद्दीवे दीवे भरहेरवएसु वासेसु एगसमये एगजुगे दो बसारवंसा उपज्जिसु वा उप्पज्जंति वा उप्पज्जिस्संति वा ॥
ठाणं० अ० २, उ० ३, सु० ८९ ।
४०८ जंबुद्दीवे दीवे भरहेरवएसु वासेसु एगमेगाए ओसप्पिणि-उस्सप्पिणीए तओ वंसा उपज्जिसु वा उप्पज्जंति वा
उप्पज्जिस्संति बा, तं जहा-अरहंतवंसे, चक्कवट्टिवंसे, दसारवंसे ।
४०९ एवं जाव पुक्खरवरदीवद्धपच्चत्थिमद्धे ।
ठाणं० अ० ३, उ० १, सु० १४३ ।
Jain Education International
For Private & Personal Use Only
www.jainelibrary.org
