Page Text
________________
धम्मकहाणुओगे पढमखंधे
अहोलोगीय-दिसाकुमारी-कय-जम्म-महिमा २१ तेणं कालेणं तेणं समएणं अहोलोगवत्यव्वाओ अट्ठ दिसाकुमारीओ महत्तरीआओ सहि सएहिं कूहि, सहि सहि
भवणेहि, सएहिं सहि पासायव.सएहि, पत्तेयं पत्तेयं चहि सामाणियसाहस्सीहि चहि य महत्तरियाहिं सपरिवाराहि सहि अणिएहि सहि अणियाहिवईहिं सोलसएहि आयरक्खदेवसाहस्सीहि अण्णेहि य बहूहिं भवणवइ-वाणमंतरेहि देवेहि देवीहि य सद्धि संपरिवुडाओ महया हय-णट्ट-गीय - वाइय - जाव - भोगभोगाइं भुंजमाणीओ विहरंति, तं जहागाहा- १ भोगंकरा, २ भोगवई, ३ सुभोगा, ४ भोगमालिणी।
५ तोयधारा, ६ विचित्ता, ७ पुष्पमाला, ८ अणिदिया ॥१॥
२२ तए णं तासि अहेलोगवत्यवाणं अट्ठण्हं दिसाकुमारीणं महत्तरियाणं पत्तेयं पत्तेयं आसणाई चलंति ।
तए णं ताओ अहेलोगवत्थव्वाओ अट्ठ दिसाकुमारीओ महत्तरियाओ पत्तेयं पत्तेयं आसणाई चलियाई पासन्ति, पासित्ता ओहिं पउंजंति, पउंजित्ता भगवं तित्थयरं ओहिणा आभोएंति आभोइत्ता अण्णमण्णं सहाविति, सद्दावित्ता, एवं वयासी"उप्पण्णे खलु भो ! जम्बुद्दीवे दीवे भयवं तित्थयरे तं जीयमेयं तीयपच्चुप्पण्णमणागयाणं अधोलोगवत्थव्वाणं अट्टण्हं दिसाकुमारीमहत्तरियाणं भगवओ तित्थगरस्स जम्मण-महिमं करेत्तए", तं गच्छामो णं अम्हे वि भगवओ जम्मणमहिमं करेमो त्ति कटु एवं वयंति, एवं वइत्ता पत्तेयं पत्तेयं आभिओगिए देवे सद्दावेंति, सद्दावित्ता एवं वयासी - "खिप्पामेव भो देवाणुप्पिया! अणेगखम्भसयसण्णिविठे लोलट्ठियसालभंजिआकलियं एवं विमाणवण्णओ भाणियव्वोजाव- जोयणवित्थिणे दिवे जाणविमाणे विउव्वह बिउब्वित्ता एयमाणत्तियं पच्चप्पिणह ति ।"
२३ तए णं ते आभियोगा देवा अणेगखम्भसय-सण्णिविट्ठे - जाव- पच्चप्पिणंति,
तए णं ताओ अहेलोग-वत्थव्वाओ अट्ठ दिसाकुमारी-महत्तरियाओ हट्ट-तुट्ठ-चित्तमाणंदिया -जाव- पायपीढाओ पच्चोरुहंति, पच्चोरुहित्ता पत्तेयं पत्तेयं चहिं सामाणियसाहस्सीहि चहि महत्तरियाहि -जाव- अण्णेहिं बहूहि देवेहि देवीहि य सद्धि संपरिवुडाओ ते दिव्वे जाणविमाणे दुरूहंति, दुरुहिता सविड्ढीए सव्वजुईए घण-मुइंग-पणव-पवाइय-रवेणं ताए उक्किट्ठाए -जाव- देवगईए जेणेव भगवओ तित्थगरस्स जम्मण-णगरे जेणेव तित्थयरस्स जम्मण-भवणे तेणेव उवागच्छन्ति, उवागच्छित्ता भगवओ तित्थयरस्स जम्मण-भवणस्स उत्तरपुरत्थिमे दिसीभाए ईसिं चउरंगुलमसंपत्ते धरणियतले दिव्वे जाणविमाणे ठविति, ठवित्ता पत्तेयं पत्तेयं चउहि सामाणियसाहस्सीहि -जाव- सद्धि संपरिवुडाओ दिव्वेहितो जाणविमाणेहितो पच्चोरुहंति, पच्चोरुहित्ता सव्विड्ढीए -जाव-दंदुहि-निग्धोस-णाइएणं जेणेव भगवं तित्थयरे तित्थयरमाया य तेणेव उवागच्छन्ति, उवागच्छित्ता भगवं तित्थयरं तित्थयरमायरं च तिखुत्तो आयाहिण-पयाहिणं करेंति, करित्ता पत्तेयं पत्तेयं करयल-परिग्गहियं सिरसावत्तं मत्थए अंजलि कट्ट, एवं वयासी -
२४ "णमोऽत्यु ते रयणकुच्छिधारिए जगप्पईवदाईए सव्वजगमंगलस्स चक्खुणो य मुत्तस्स सव्वजग-जीव-वच्छलस्स हियकारग
मग्ग-देसिय-वागिद्धि-विभु-पभुस्स जिणस्स णाणिस्त णायगस्स बुहस्स बोहगस्स सव्वलोग-णाहस्स सव्वजगमंगलस्सणिम्ममस्स पवरकुलसमुइभवस्स जाइए खत्तियस्स जंसि लोगुत्तमस्स जणणी धण्णासि तं पुण्णासि कयत्यासि ।
१ अट्ठ अहोलोगवत्थवाओ दिसाकुमारिमहत्तरियाओ पण्णत्ताओ तं जहागाहा- भोगकरां भोगवई सुभोगा भोगमालिणी ॥ सुवच्छा वच्छमित्ता य वारिसेणा बलाहगा ॥ १ ॥
ठाणं० अ० ८, सु०६४३ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |