Page Text
________________
६००
पंचसंगहो
सव्वकम्माणि अट्ठ, आउगवज्जाणि सत्त, आउग-मोह-वजाणि छन्भवे । वेदणीयं चेव इक्कं । एदाणि चत्तारि मूलपगडिट्ठाणाणि अप्पं बंधंतो बहुदरं बंधइ त्ति एस भुजगार [बंधो] बहदरं बंधंतो अप्पदरं बंधइ त्ति एस अप्पदरबंधो। भजगारे अप्पदरे वा कदे तत्तियं तत्तियं बं: त्ति एस अवट्ठिदो बंधो । उवसंतकसायं एगं बंधंतो सुहुमो होदूण छकम्माणि बंधदि त्ति एस एक्को भुजगारो। सुहुमो अणियट्टी होदूण सत्त बंधइ त्ति बिदिओ भुजगारो । आउगबंधपाओग्गगुणहाणेसु सत्त बंधंतो अट्ठ बंधइ त्ति तदिओ भुजगारो। उवसंतकसाओ सुहुमो वा हेट्टाऽहो होदूण सत्त बंधइ त्ति वा भुजगारो। विवरीदेण तिणि अपदरगाणि वत्तव्याणि । भुजगार-अप्पदरकालो एगसमइओ। सेसबंधकाले चत्तारि अवट्ठिदाणि ।
तिण्णि दस अट्ट ठाणाणि दंसणावरण-मोह-णामाणं ।
इत्थेव य भुजगारा सेसस्सेगं हवइ ठाणं ॥४॥ दसणावरणकम्मरस तिणि ठाणाणि-णव छ चत्तारि । दंसणावरणस्स सव्वकम्माणि घेत्तणं णव बंधइ त्ति मिच्छादिट्ठिणो । थीणगिद्धीतिग वज्ज छ कम्माणि सम्मामिच्छादिहिप्पहुडि जाव अपव्यकरणपढम-सत्तमभाग त्ति बंधंति । गेस एदेस मज्झे णिहा-पचला वज्ज चत्तारि कम्माणि अपुव्वकरणविदिय-सत्तमभागप्पहुदि जाव सुहुमसंपराय त्ति बंधंति । ओदरमाणअपुठवकरणुवसामगो चत्तारि बंधमाणो छ बंधइ त्ति एक्को भुजगारो। असंजदसम्मादिट्ठी देसविरदं पमत्तसंजद छ कम्माणि बंधमाणस्स सासणभावेण वा मिच्छभावेण वा णव बंधमाणस्स विदिओ भुजगारो । सम्मामिच्छादिहिस्स छ बंधमाणस्स मिच्छभावेण णव बंधमाणस्स वा भुजगारो। मिच्छादिहिस्स णव बंधमाणस्स सम्मामिच्छत्त-असंजद-देसविरद-अप्पमत्तसंजदभावेण छ बंधमाणस्स इक्को अप्पदरो। छ बंधमाणो अपुवकरणो चत्तारि बंधदि त्ति विदिओ अप्पदगे। तिण्णि अवटिदाणि ।
वावीसमेकवीसं सत्तारस तरसेव णव पंच ।
चदु तिग दुगं च एगं बंधट्ठाणाणि मोहस्स ॥५०॥ मोहणीयस्स दस हाणाणि । मिच्छत्त सोलस कसाय इत्थी-णqसग-पुरिसवेदाणमेकदरं, हरस-रइ अरइ-सोग दुण्हं जुयलाणभेक्कदरं भय दुगुंछा च एदासिं वावीसपगडीणं बंधमाणरस एकं ठाणं । तिण्णि वेद-भंगा दो-जुयलभंगेहिं गुणिदा छ भंगा वाबीसस्स । एदाओ चेव मिच्छत्तणqसयवज्जाओ एकवीसपयडीओ बंधमाणस्स सासणस्स विदियहाणं । इत्थीपुरिस दो भंगा दो दोजुयल-दोभंगेहिं गुणिया चत्तारि इक्कवीसस्स । एदाओ चेव पगडीओ अणंताणुबंधि-इत्थीवज्जाओ सत्तरसपगडीओ बंधमास्स सम्मामिच्छादिट्ठिस्स असंजदसम्मादिहिस्स वा तदियठाणं । जुयल-भंगा दो चेव सत्तारसरस । एयाओ चेव अपञ्चक्खाणावरणचउक्क-वज्जाओ तेरस पगडीओ बंधभाणस्स देसविरदस्स चउत्थट्टाणं । जयल-भंगा दो चेव । पच्चक्खाणावरणचउक्त-वज्जाओ णव पगडीओ बंधमाणस्स पमत्तापसत्त-अपुठवकरणस्स पंचमट्ठाणं । जुयल-भंगा दो चेव । णवरि अपुव्वकरण-अप्पमत्त अरदि-सोगाणि ण बंधति । पुरिसवेद-च उसंजलणाणि घेत्तण पंच परिसवेद. वज्ज चउ । कोधसंजलण-वज तिणि । माणसंजलण-वज्ज दोणि । मायासंजलणं इक्क । एदाणि पंच ठाणाणि अणियट्टि-अद्धाए पंचसु भागेसु जहाकमेण हुंति । भंगो इक्ककदो चेव । दोपहुदि जाव वावीस त्ति णव भुजगारा ६ | वावीस-बंधगो इकवीस-बंधगो ण होदि त्ति अव अप्पदरगाणि ८ । दस अवट्ठिदाणि १० ।
एक च दो व तिणि य चत्तारि पंचेव दो अंका। इगिवीसादेगंता भुजगारा वीस मोहस्स (२०) ॥५१॥
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |