Page Text
________________
सतग-संगहो
णाणंतरायदसयं दसण णव मिच्छ सोलस कसाया। भयकम्म दुगुंछा वि य तेजा कम्मं च वण्णचदू ॥४६॥ अगुरुगलहुगुवघादा णिमिणं च तहा भवंति सगदालं ।
बंधो य चदुवियप्पो धुवपगडीणं पगिदिबंधो ॥४७॥ 'उत्तरपगडीसु तहा धुवयाणं' पंच णाणावरणीय-नक्खु-अचक्खु-ओधि-केवलदसणावरणपंचंतराइयाणं उवसंतकसाओ देवभावेण सुहुमोवसामगभावेण सादियबंधो। अणादिधुव [बंधा] पुव्वं वा। सुहुम उवसामगो खवगो वा उवसंतभावेण खीणभावेण अधुवं । णिहापयलाणं अपुवकरणद्धाए सत्तभागाण ओदरमाणस्स चरमभागपढमसमए सादियबंधो। अणादिधुव [ बंधा ] पुवं व। अपुवउवसामगो खवगो वा पढमभागादिविदियभागरस अद् णिद्दाणिद्दा पचलापचला थीणगिद्धी अणंताणुबंधिचदुक्काणं असंजद-देसविरद-पमत्तसंजदा सासणभावेण मिच्छभावेण वा सादियबंधो। अणादि मिच्छादिहिस्स । धुव पुव्वं व । मिच्छादिहिस्स सम्मामिच्छत्त-असंजद-देसविरद-अपमत्तसंजदभावेण वा अधुवबंधो। मिच्छत्तस्स सासण-सम्मामिच्छत्त-असंजद-देसविरद-पमत्तसंजदाणं मिच्छत्तभावेण सादियबंधो। अणादि मिच्छादिट्रिस्स । धुव पुरुवं व । अणंताणुबंधिस्स जहा, तहा अपञ्चक्खाणावरणच उक्कास वि। देसावरद-पमत्तसंजदाण असंजद-सम्मामिच्छत्त-सासण-मिच्छत्तभावेण सादियबंधो। मिच्छादिटिप्पहुदि जाव असंजदो त्ति एदेसिं उवरिमगुणमगहिदाणं अणादि । धुव पुव्वं व । एदेसिं चेव उवरिमगुगभावेण अर्द्धव । पञ्चक्खाणावरणचउक्कस्स अप्पमत्तसंजदस्स हेट्ठिमगुणभावेण सादियबंधो । मिच्छादिटिप्पहुदि जाव संजदासंजदु त्ति एदेसिं उवरिमगुणमगहिदाणं अणादिबंधो । एदेसिं अप्पमत्तभावेण अधुवं । धुव पुठ्वं व । कोहसंजलगस्स ओदरमाणेण अणियट्टि-उवसामगे अबंधगे होदूण बंधगजादस्स सादियं । अगादि धव पुव्वं व । अणियट्रि-उवसामगस्स खवगरस वा अबंध बंधवच्छेदभावेण अद्धवं । एवं माण-मायासंजलणाणं । लोभसंजलगरस ओदरमाणसुहम-उवसामगस्स अणियट्रिभावेण सादि । अणादि-धुव पुव्वं व । अणियट्टि-उवसामगस्स खवगरस वा सुहमउवसामग-खवगभावेण अधुवा। भय-दुगुंछाणं ओदरमाण-अणियट्टिअ-उवसामगस्स अपुव्व-उवसामगमावण सादिय । अणादि धुवआ पुव्वं [व]। अपुवकरण-उवसामगम्स खवगम्स वा अणियट्टि-उवसामगखवगभावेण अधुव । तेजा-कम्मइगसरीर-वण्ण-गंध-रस-फास-अगुरुगलहुग-उवघाद-णिमिणणामाणं ओदरमाण-अपुव्वुवसामगस्स अब धगयस्स सादि । अणादि धुव-पुव्वं व । अपुवकरण-उवसामगरस खवगस्स वा सत्तमभागपढमसमए गयस्स अधुव सत्तत्तालीसं पगडीणं अबधगाणं कालं काऊणं देवेसुप्पण्णाणं बधजोगाणं सादिअबधो होदि त्ति वा वत्तव्यो । बंधजोग्गा पुण मिच्छत्तअणंताणुव धिचदुक्क-णिद्दाणिद्दा-पचलापचला-थीणगिद्धी वज्जाओ बधसंभवगुणट्ठाणेसु सव्वकालं वधइ त्ति धुवपगडीओ वुचंति । चत्तारि आऊ आहारसरीर-आहारसरीर-अंगोवंग-परघाद-उस्सासआदावुज्जोव-तित्थयरणामाणं सादि-अर्धवबधो होदि; एदेसिं पडिवक्खपयडी णत्थि त्ति । सेसाओ त्ति वुचंति धुवपगडिसेसपगडीवजाणं परियत्तमाणीणं सादि-अधुवबंधी होदि । पडिवक्खपगडिजुत्ताओ परियत्तमाणीओ वुचंति । सेसपगडी परियत्तमाणपगडीणं अणादिधुवरूवेण बंधो पत्थि । एदाहिं दोहि गाहाहिं मूलुत्तरपगडीसु सादि-आदि चत्तारि अणिओगहाराणि
वुत्ताणि।
चत्तारि पगडिट्ठाणाणि तिणि भुजगारमप्पदरगाणि । मूलपगडीसु एवं अवद्विदं चदुसु णादव्यं ॥४८॥
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |