Page Text
________________
सतग-संगहो
अप्पमत्तप्पहुदि जाव सुहुमंता वेदणीय-आउगवज्ज छक्कम्माणि उदीरिति । सुहुम- संपराइगो गणट्राणकालरस आवलियकालावसेसे मोहणीयवज्ज पंचकम्माणि उदीरेड, खवगस्स उदयावलियउवरि हिदी णत्थि । चडमाणोवसामगस्स उदयादो दो-आवलिउधरि अंतोमुहुत्तमंतरं होऊण उवरि अंतोकोडाकोडीमेतद्विदीओ विज्जमाणा वि ण उदीरेदि । पडिआवालियादो चेव उदीरणा । जाव य समयाधिया उदयावलिसेस त्ति तओ उदओ चेव । ओदरमाणोवसामगस्स एस विही णस्थि ।
वेदणियाउगमोहे वञ्जिय उदीरिति दोणि पंचेव ।।
अद्धावलियासेसे णामं गोदं च अकसाई ॥३५॥ 'वेदणियाउगमोहे वज्जिय' उपसंत-खीणकसाया पंच कम्माणि उदीरिति । खीणकसाओ अप्पगो गुणट्ठाणकालस्स आवलियकालावसेसे णामागोदाणि उदीरेइ, णाणावरण-दसणावरणअंतराइयाणं उदयावलि-उवरिद्विदी णत्थि, उदीरणा णस्थि ।।
उदीरेइ णाम-गोदे [ छक्कम्म ]-कम्मविवज्जिदो सजोगी दु ।
वटुंतो दु अजोगी ण किंचि कम्मं उदीरेइ ॥३६॥ छक्कम्माणि वज्ज णाम-गोदाणि सजोगिजिणो उदीरेइ । 'वस॒तो वि अधादिकम्मोदयसहिदो वि अजोगी ण किंचि कम्मं उदीरेइ; जोगरहिदस्स उक्कट्टणादिकिरिया णस्थि, अंतोमुहुत्तमेत्तं कम्महिदी विज्जमाणो वि ।
अढविहमणुदीरितो अणुभवदि नदुविधं गुण विसालं।
इरियावहं ण बंधइ आसण्णपुरकडो दिट्ठो ॥३७॥ अजोगिजिणो अट्ठकम्माणि ण उदीरेइ, अघाइच उक्कं वेदेइ । जोगणिमित्तं कम्मं ण बंधइ, आसण्णपुरकडो दिट्ठो आसण्णगयसरीरभेओ संतो :
इरियावहमाउत्ता चत्तारि व सत्त चेव वेदंति ।
उदीरिंति दोण्णि पंच य संसारगदम्मि भयणिज्जा ॥३८।। सजोगिजिणो जोगणिभित्तवेदणीयकम्मबंधजुत्तो अवादिचदुक्कं वेदेइ। उवसंतकसायखीणकसाया जोगणिमित्तं वेदणीयकम्मबंधजुत्ता मोहणीयवज्ज सत्त कम्माणि वेदंति। सजोगिजिणो णाम-गोदाणि उदीरेइ । उवसंत-खीणकसाया वेदणीयाउगमोह वज्ज पंच कम्माणि उदीरिति । संसारगदम्हि णिग्गयसंसारे खीणकसाया भयणिज्जा पंच वा दोणि वा उदीरिंति, अपणो गुणट्ठाणकालस्स आवलियकालावसेसे दोष्,ि सेसकाले पंच ।
छप्पंचमुदीरितो बंधइ सो छव्धिहं तणुकसाओ।
अट्ठविहमणुभवंतो सुक्कझाणे डहइ कम्मं ॥३६॥ सुहमसंपराइओ वेदणियाउगवज्जाणि छक्कम्माणि उदीरेइ, अप्पणो गुणहाणकालस्स आवलियकालावसेसे चेव मोहणीयवज्जाणि पंच कम्माणि उदीरेइ, मोहाउगवजाणि छ कम्माणि बंधेइ, अट्ट कम्माणि वेदेइ ।
अट्टविहं वेदंता छव्विहमुदीरिति सत्त बंधंति । अणियट्टी य णियट्टी अप्पमत्तो य ते तिण्णि ॥४०॥
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |