Page Text
________________
सतग-संगहो 'उम्मग्ग' पंचमिच्छत्तो वेदधम्मदेसणं संधाणकुसलं पि य णील-कवोदलेस-अट्टज्माणरदो तिरियाउगं णिबंधदि ।
पयडीए तणुकसाओ दाणरदो सील-संजमविहीणो ।
मज्झिमगुणेहिं जुत्तो मणुआउं णिबंधदे जीवो ॥२५॥ ‘पयडीए' सहावेण तणुकसाओ मंदकसाओ, दाण पत्तदाणरदो 'सील-वदहीणो' अक्खसंजम-पाण-संजमरहिदो, मज्झिमगुण [गुणेहिं जुत्तो एदेण ] कारणेण मणुयाउयासवो होइ ।
अणुवद-महव्वदेहि य बालतवाकामणिज्जराए य ।
देवाउगं णिबंधइ सम्माइट्ठी य जो जीयो ॥२६॥ अकामचारिणिरोध बंधण-वध छहा-तिसा-णिरोह-बम्हचेर-भूमिसयण-मलधारण-परितावादि णिज्जरा बालतव मिच्छादसणोवेदमणवा संकिलेस-पउर-अणुवदादीहिं देवाउगं णिबंधदि त्ति भणिद होदि ।
मण-वयण-कायवंको माइल्लो गारवेहि दढबद्धो ।
असुहं बंधदि णामं तप्पडिवक्खेहि सुहणामं ॥२७॥ मण-वयण-कारावंको कुडिलदा अण्णहा पवत्तणं । माइल्लो मिच्छत्त-पिसुण कूड-माणकूडतुलागरण-अप्पपसंसपर जिंदादिया माया । गारव इडि-दव्वलाभ-रसमिट्ठभोयण-सादसुहसयणादि ।
द्वो असुहणामं बंधइ । तव्यिवरीद जोग पउण (?) यस (रस) सादरहिद धम्मिकत्तं दसणसंभव-संसार [संसकारो] सम्भावभीरुदा पमादादि-वजणादीहि सुहणामं बंधइ ।
अरहंतादिसु भत्तो सुत्तरुई पदणुमाण गुणपेही ।
बंधइ उच्चं गोदं विवरीदो बंधदे दरं ॥२८॥ ___ अरहंतादिसु भत्तो पंचगुरुम्हि अदीवभत्तो, सुत्तरुई जिणुत्तसुत्ते अंतरंगादि-परिणामरुई, पदणुमाण अइथोडउ माण, गुणपेही अप्पणिंदण-परपसंसण-गुणुब्भावणा सगुणाच्छादणं गुणुक्करस विणएण णमणं विण्णाणादि-उकास सव्वो विअदमदहंकार उच्छेय-रहिदादि बंधदि गोदुचं । विवरीओ इदरं । किं तं ? णिच्चगोद। जेहिं हेदूहिं अपपसंस-परणिंदा-सग्गुणुच्छेदागुणभावणादीहिं अरुहादिभत्तिरहिदेहिं त्ति वुत्तं होदि ।
पाणव्वहादिसु रदो जिणपूया-मोक्खमग्गविग्घयरो ।
अज्जेइ अंतरायं ण लहदि हिय-इंछियं जेण ॥२६॥ पाणवधादि त्ति सुगमं । अंतरायं अज्जेदि पंचपयारं। दाणंतरायं तं कह (हं) जीवाणं अभयविग्घेण जेण सम्मत्ताणुवद-महव्वद-लयणसिस्सा ण उप्पज्जति । उप्पण्णा वि ण थिरा होति । अहवा सुवण्ण-वत्थुआदिदाणविग्घादो सुवण्णादिदा णो उप्पज्जति । लाभंतराएणं अणवरयं भुंजमाणमवि ण तित्ती होइ, अण्णेवि लाभा सरीरावणहेदवो ण लब्भंति । भोगंतरायं [एण] असणादिचउव्विहाहारं दिताण विग्घादो जेण सोदरमवि पूरेदुण सक्कदे । पूरिदमवि छद्दि-आदि होइ । सयलमवि पच्चक्खं, आगमदोऽवसेयं च । उवभोगंतराएण वत्थित्थीतलि-पल्लंक-मालालंकारादिणसिया । एवं विरियंतराएण बलविरिया आहारब्भासहजा ण उप्पन्नति, अदीवसी (लघीयसी) णासंति त्ति वुत्तं होइ । आहार-देयाणं दायार-पत्ताणं वा अंतरं इच्छमज्झे ठाइ ति अंतरायं । तदेहिं पच्चएहिं बंधइ सामण्णे पच्चए जदुत्तं तं एवं ण लब्भइ हिय-इंछियं चित्तण माणसियं अहिलसियवत्थू तं ण पावए जीवो।
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |