Page Text
________________
५६६
पंचसंगहो
दुग तीस चदुरपुव्वे पंच णियटिम्हि बंधवुच्छेदो। सोलस सुहुमसरागे साद सजोगिय [म्हि] जिणवरिंदे ॥३॥ पण णव इगि सत्तरसं अउ पंच य चदुर छक्क छच्चेव । इगि दुग सोलस तीसं बारस उदए अजोगंता ॥४॥ पण णव इगि सत्तरसं अट्ठट्ठय चउर छक्क छच्चेव । इगि दुग सोलसु दालं उदीरणा होति जोगंता ॥५॥ अण मिच्छ मिस्स सम्म अविरदसम्मादि-अप्पमत्तंता । सुर-णिरय-तिरियआऊ णिययभवे चेव खीयंति॥६॥ सोलस अट्ठक्केक्कं छक्केक्केक्केक्क खीण अणियट्टी। एयं सुहुमसरागे खीणकसाए य सोलसयं ॥७॥ वावत्तरि दुचरिमे तेरस चरिमे अजोगिणो खीणा । अडयालं पयडिसदं खविदजिणं णिव्वुदं वंदे ॥८॥ एदं कम्मविधाणं णिच्चं जो पढइ सुणइ पयदमदी।
दंसण-णाणसमग्गो सो गच्छइ उत्तमं ठाणं ॥९॥ एत्तो सव्वपयडीणं बंधवुच्छेदो कादयो भवदि । तं जहा । 'मिच्छे सोलस'-मिच्छत्त नपुंसकवेय णिरयाउगं णिरयगदि एइंदिय वेइंदिय तेइंदिय चतुरिं दिय जादि हुंडसंठाणं असंपत्तसेवसंघडणं णिरयगदिपाओग्गाणुपुत्वीयं आदत थावर सुहुम अपज्जत्त साधारण एदाओ सोलस पयडीओ मिच्छादिट्ठिम्मि बंधवुच्छेदो।
'पणवीस सासणे'-णिहाणिद्दा पयलापयला थीणगिद्धी अणंताणुबंधिचदुक्कं इत्थिवेद तिरिक्खाउ तिरिक्खगदी णिग्गोहसंठाणं सादिसंठाणं खुज्जसंठाणं वामसंठाणं वज्जगारायसंघडणं णारायसंघडणं अद्धणारायसंघडणं खीलियसंघडणं तिरिक्खगदिपाउग्गाणुपुव्वी उज्जोव अप्पसत्थविहायगदी दुभग दुस्सर अणादिज णीचागोद एदासिं पणुवीसण्हं पयडीणं सासणसम्मादिट्ठिम्हि बंधवोच्छेदो।।
_ 'अविरदे य दस पयडि'-अपच्चक्खाणचदुक्क मणुआऊ मणुस्सगदी ओरालियसरीर ओरालियसरीर-अंगोवंग वज्जरिसभवइरणारायसंघडणं मणुसगदिपाओग्गाणुपुत्वी एदासिं दसपयडीओ[f] असंजदसम्मादिहिस्स बंधवुच्छेदो।
_ 'चदु' पच्चक्खाणावरणचदुकं एदाओ चत्तारि पयडीओ संजदासंजदम्हि बंधवुच्छेदो । 'छकं' असादावेदणीयं अरदि सोग अथिर सुभगं अजसकित्ती एदाओ छप्पयडीओ-जदस्त [पमत्तसंजदस्स ] बंधवुच्छेदो। 'एय' देवाऊ अप्पमत्तसंजदम्हि बंधवुच्छेदो। 'दुग' णिद्दा पयला य अपुठवकरणद्धाए सत्तमभागे पढमभागचरमसमयबंधवुच्छेदो। 'तीसं' देवगदि पंचिंदियजादि वेउव्वियाहारतेजाकम्मइयसरीर समचदुरसंठाणं वेउव्विय-आहारसरीर-अंगोवंग वण्ण गंध रस फास देवगदिआणुपुब्धी अगुरुलहुग उवघाद परघाद उस्सास पसत्थगदी तस बादर पज्जत्त पज्जत्तेयसरीर थिर सुभ सुभग मुस्सर आदेज णिमिण तित्थयरणामं च एयाओ तीस पयडीओ अपुवकरणम्हि सत्तमभाग-छभागं गंतूण बंधवुच्छेदो। ['चदु' हस्स रदि भय दुगुंछा एदाओ चत्तारि पयडीओ अपुठवचरिमम्हि वुच्छिज्जते ] । 'पंच अणियट्ठिम्हि' चदु संजलणं पुरिसवेद एयाओ पंच पयडीओ अणियट्ठि-अद्धाए पंचभागं गंतूंणं एकक बंधवुच्छेदो। पढम
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |