Page Text
________________
५५०
पंचसंगहो
अइसण्हदेहपमाणेण संकुडदि त्ति संकुडो। सव्वं लोगागासं वियापदि त्ति असंकुडो । खेत्तं ससरूवं जाणादि त्ति खेत्तण्हू । अट्ठकम्मभंतगे त्ति अंतरप्पा ।
कम्मपवादं वीस-वत्थूहि २० चत्तारि-सदपाहुडेहिं ४०० इक्क-कोडि-असीदिलक्खपदे हिं १८०००००० अट्ठविधं कम्मं वण्णेदि । पञ्चक्खाणणामधेयं तीसवत्थूहि ३० छसदपाहुडेहिं ६०० चउरसी दिलक्खपदेहिं ८४००००० दव-भावपरिमिदापरिमिदपच्चक्खाणं उववासविधिं च वण्णेदि । विज्जाणुवादं पण्णारसवत्थूहि १५ तिण्णिसदपाहुडेहि ३०० एककोडिदसलक्खपदेहिं ११०००००० अंगुट्ठपसेणादि सत्तसदा खुल्लयमंता रोहिणी आदि पंचसदा महाविज्जा-उप्पत्ति वण्णेदि । कल्लाणणामधेयं दसवत्थूहि १० वेसदपाहुडेहि २०० छठवीसकोडिपदेहिं २६००००००० बलदेव-वासुदेव चक्कवट्टि-तित्थयराणं णक्खत्त-गह-तारया-चंद-सूराणं चारं अटुंगमहाणिमित्तफलं च वण्णेदि, चारित्तविधि [च]।
पाणावायं तत्तियवत्थूहि १०० पाहुडेहि २०० तेरसकोडिपदेहिं १३००००००० विज्जासत्थं वण्णेदि । पाणाणं वडि-हाणी कुमार-तिगिंछा भूद-तंतादि-ऊसासाउगपाणादिपमाणं एदेहि वण्णेदि । किरियाविसालं तत्तिएहिं वत्थूहिं १० पाहुडेहिं २०० णवकोडिपदेहिं ६००००००० छंदोवचितिअक्खरकिरिया-कव्वादि वग्णेदि । लोगबिंदुसुदं तत्तिएहिं वत्थूहिं १० पाहुडेहि २०० बारसकोडिपण्णासलक्खपदेहि १२५०००००० मोक्खपरियम्म मोक्खसुखं च वण्णेदि ।
दस चउदस अट्ठारस बारस तह य दोसु पुव्वेसु । सोलस वीसं तीसं दसमम्मि य पण्णरस वत्थू ॥४१॥ एदेसिं पुव्वाणं एवदिओ वत्थुसंगहो भणिदो ।
सेसाणं पुव्वाणं दस दस वत्थू य णिवदामि ॥४२॥ एदेसिं सव्वसमासो पंचाणउदिसदं १६५ ।
एक्ककम्हि य वत्थू वीसं वीसं च पाहुडा भणिया ।
विसम-समा वि य वत्थू सव्वे पुण पाहुडे हिं समा ॥४३॥ पाहुडसव्वसमासं तिणि सहस्सा णवसदा ३६००।
अंगबाहिरं चउदसभेदं तमेयं णामं थवो भगियं । सामाइयं णामादि छसम्मत्तं वण्णेदि । थवं चउवीसण्हं तित्थयराणं वंदणामु छेहकल्लाणादि वण्णेदि । वंदणा एगजिण-जिणालयवंदणाणिर वज्जभावं वण्णेदि । पडिक्कमणं सत्तविहं पडिक्कमणं वण्णेइ । वेणइयं णाणादिविणयं वण्णेइ । किरियम्मं अरहंतादीणं पूआ वण्णेइ । दसवेआलियं आयार-गोयारविहिं वण्णेइ। उत्तरज्झयणं उत्तरपदाणि वण्णेइ । कप्पववहारो साहूणं जोग्गआचारमजगासेवणपाअच्छित्तं वण्णेइ । कप्पाकप्पियं साहूणं जं कप्पदि, जंण कप्पइ तं वण्णेइ। महाकप्पियं कालसंघणणे आसिदूण साहुपाओग्गदव-खेत्तादीणं वण्णेइ । पुंडरीयं चउविहदेवेसुववादकारण-अणुट्ठाणाणि वण्णेइ । महापुंडरीयं इंद-पडिंद-उप्पत्तिं वण्णइ । णिसीहियं बहु पायच्छित्तं वण्णेइ।
एवं सुदरुक्खो समत्तो।
१. गो० जी० जी० प्र० टीका ३३६ ( उद्धृत्ते )।
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |