Page Text
________________
५४८
पंचसंगहो
व्वदा तदुभयवत्तव्वदा। एवं अत्याधियारो पंचविधो। तं जहा-परियम्म सुत्त पढमाणिओय पुवगद चूलिया चेव । जं तं परियम्मं तं पंचविहं । तं जहा-चंदपण्णुत्ती सूरपण्णत्ती जंबूदीवपण्णत्ती दीवसायरपण्णत्ती वियाहपण्णत्ती चेदि । [ तत्थ चंदपण्णत्ती] छत्तीसलक्ख-पंचपदसहस्से हि ३६०५००० चंदस्स [ आउ-परिवारिद्धि-गइ-बिंबुस्सेह-] वण्णणं कुणदि। [ सूरपण्णत्ती] सूरस्स पंचलक्ख-तिण्णिपदसहस्से हि ५०३००० आउभोगोवभोगपरिवारइद्रिं वण्णेदि । जंबूदीवपण्णत्ती तिणि लक्खपंचवीसपदसहस्से हिं ३२५००० जंबूदीवे णाणाविधमणुसाणं भोगभूमियाणं कम्मभूमियाणं अण्णेसि पि णदी-पव्वद-दह-खेत्त-दरिसरीणं च वण्णणं कुणदि । दीवसायरपण्णत्ती वावण्णलक्ख-छत्तीस-पदसहस्से हि ५२३६००० उद्धारपल्लपमाणेण दीव-सायरपमाणं अण्णं पि अण्णभूदत्थं बहुभेयं वण्णेदि । वियाहपण्णत्ती णाम चदुरसीदिलक्ख-छत्तीसपदसहस्सेहि ८४३६००० रूविजीवदव्वं अरूविजीवदव्वं भवसिद्धिय-अभवसिद्धियरासिं च वण्णेदि । एवं परियम्म। सुत्तं अडसीदिलक्खपदेहि ८८०००००
पढमो अबंधगाणं विदिओ तेरासियाण बोधव्यो ।
तदियं च णियदिपक्खो हवदि चउत्थं च समयम्हि ॥३३॥ तेरासियं णाम श्रुति-स्मृति-पुराणवादिनः । [आदा] अघस्सगो [अबंधगो] अलेवगो पण्णत्ती [अणुमेत्तो] अकत्ता णिग्गुणो सव्वगदो अत्थियवादि[दी] समुदयवादि[दो] च वण्णेदि । पढमाणिओगो पंचसहस्सपदेहिं ५००० पुराणं वण्णेदि ।
वारसविहं पुराणं जह दिटुंजिणवरेहिं [ सव्वेहिं] । तं सव्वं वण्णेदि [ हु] जं पढमाणिओगो हु॥३४॥ पढमो अरहंताणं बंसो विदियो पुण चक्कट्टिवंसो दु। विज्जाहराण तदिओ चउत्थयो वासुदेवाणं ॥३॥ चारणवंसो तह पंचमो दु छट्ठो य पण्णसमणाणं । सत्तमओ कुरुवंसो अट्ठमओ चावि हरिवंसो ॥३६।। णवमो इक्खाउगाणं दसमो वि य कासियाण [ बोद्धव्यो] । वाईणेगारसमो वारसमो भूदवंसो [दु] ॥३७॥ ।
एवं पढमाणिओगो। एव्वगदो पंचाणउदिकोडि-पण्णासलक्ख-पंचपदेहि ६५५०००००५ उपाय-वय-धुवत्तादीणं वण्णेदि। चूलिया पंचविधा-जलगदा थलगदा मायागदा रूंवगदा भव-[ नभ-] गदा [चेदि ]। [ तत्थ जलगदा ] दो कोडि-णवलक्ख-एऊणणवदिसहस्स-वे सदपदेहिं जलथंभादि वण्णेदि । पदपमाणं २०६८६२०० । थलगदादिणाम तात्तएहि [तत्तिएहि पदहि ] भूमिगम वण्णेदि । पदपमाणं २०६८६२००। सव्वपदसमासो दसकोडि-उणवण्ण-लक्ख-छदालसहस्साणि १०४६४६०००।
एत्थ किं परियम्मादो, [किं] सुत्तादो ? एवं पुच्छा सव्वेसिं। णो परियम्मादो, णो सुत्तादो; एवं वारणा सव्वेसिं। पुव्वगदादो। तस्स उवकमो पंचविधो-आणुपुत्वी णामं पमाणं
१.ज प्रतौ 'तदिओ वासुदेवाणं चउत्थो विज्जाहराणं' इति पाठः। २. धवलायां 'वारसमो णाहवंसो दु' इति पाठः (भा० १ पृ० ११२)।
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |