________________
३५६
पंचसंग्रह : १० वंधोदयसंताई गुणेसु कहियाइ नामकम्मस्स । गइसु य अव्वगडंमि वोच्छामि इंदिएसु पुणो ।।१२६।। इगि विगले पण बंधा अडवीसूणा उ अट्ठ इयरंमि । पंच छ एक्कारुदया पण-पणं बारस उ संताणि ॥१३०॥ नाणंतरायदंसण बंधोदयसंत भंग जे मिच्छे । ते तेरसठाणेसु सण्णिम्मि गुणासिया सव्वे ।।१३१।। तेरससु वेयणीयस्स आइमा होंति भंगया चउरो । निच्चुदय तिणि गोए सव्वे दोण्हपि सण्णिस्स ।।१३२।। तिरिउदए नव भंगा जे सवे असण्णि पज्जत्ते । नारयसुरचउभंगायरहिया इगिविगलदुविहाणं ॥१३३।। असण्णि अपज्जत्ते तिरिउदए पंच जह उ तह मणुए। मणपज्जत्ते सव्वे इयरे पुण दस उ पुव्वुत्ता ।।१३४।। बंधोदयसंताई पुण्णाइं सणिणो उ मोहस्स । बायर विगलासण्णिसु पज्जेसु दु आइमा बंधा ॥१३५।। अट्ठसु बावीसोच्चिय बंधो अट्ठाइ उदय तिण्णेव । सत्तगजुया उ पंचसु अडसत्तछ्बीस संतंमि ।।१३६।। सण्णिम्मि अट्ठसण्णिम्मि छाइमा तेऽट्ठवीस परिहीणा । पज्जत्तविगलबायरसुहमेसु तहा अपज्जाणं ।।१३७।। इगवीसाई दो चउ पण उदया अपज्जसुहुमबायराणं । सण्णिस्स अचउवीसा इगिछडवीसाइ सेसाणं ॥१३८।। तेरससु पंच संता तिण्णुधुवा अट्ठसीइ बाणउइ । सण्णिस्स होंति बारस गुणठाणकमेण नामस्स ।।१३६।। बझंति सत्त अट्ठ य नारयतिरिसुरगईसु कम्माई। उदीरणावि एवं संतोइण्णाइं अट्ठ तिसु ॥१४०।। गुणभिहियं मणुएसुसगलतसाणं च तिरियपडिवक्खा। मणजोगी छउमाइ व कायवई जह सजोगीणं ।।१४१॥
Jain Education International
For Private & Personal Use Only
www.jainelibrary.org
