________________
सप्ततिका-प्ररूपणा अधिकार : परिशिष्ट १
तेवीसूणा सत्तरस वज्जिया अहव सत्तअहियाइं। पंचासीइसयाइं उदयपयाइं तु मोहस्स ।।११६॥ एवं जोगुवओगालेसाईभेयओ बहुभेया। जा जस्स जंमि उ गुणे संखा सा तंमि गुणगारो ॥११७॥ उदयाणुवयोगेसु सगसयरिसया तिउत्तरा होंति । पण्णासपयपहस्सा तिण्णिसया चेव पण्णरसा ॥११८।। तिगहीणा तेवन्नसया उ उदयाण होंति लेसाणं । अडतीससहस्साइं पयाण सय दो य सगतीसा ॥११६।। चोद्दस उ सहस्साई सयं च गुणहत्तरं उदयमाणं । सत्तरसा सत्तसया पणनउइ सहस्स पयसंखा ॥१२०॥ मीसदुगे कम्मइए अणउदयविवज्जियाउ मिच्छस्स । चउवीसाउ ण चउरो तिगुणाओ तो रिणं ताओ ॥१२१॥ वेउव्वियमीसम्मि नपुसवेओ न सासणे होइ । चउवीसचउक्काओ अओ तिभागा रिणं तस्स ।।१२२॥ कम्मयविउव्विमीसे इत्थीवेओ न होइ सम्मस्स । अपुमित्थि उरलमीसे तच्चउवीसाण रिणमेय ॥१२३।। आहारगमीसेसु इत्थीवेओ न होइ उ पमत्ते । दोण्णि तिभागाउ रिणं अपमत्तजइस्स उ तिभागो ॥१२४॥ उदएसु चउवीसा धुवगाउ पदेसु जोगमाईहिं । गुणिया मिलिया चउवीसताडिया इयरसंजुत्ता ॥१२५।। अपमत्तसासणेसु अड सोल पमत्त सम्म बत्तीसा। मिच्छंमि य छण्णउई ठावेज़्जा सोहणनिमित्तं ॥१२६।। जोगतिगेणं मिच्छे नियनियचउवीसगाहिं सेसाणं । गुणिऊणं पिंडेज्जा सेसा उदयाण परिसंखा ॥१२७॥ चउवीसाइगुणेज्जा पयाणि अहिगिच्च मिच्छ छन्नउइ । सेसाणं धुवगेहिं एगीकिच्चा तओ सोहे ॥१२॥
For Private & Personal Use Only
Jain Education International
www.jainelibrary.org
