________________
उदीरणाकरण प्ररूपणा अधिकार : परिशिष्ट १
१२६. मोत्तु अजोगिठाणं सेसा नामस्स उदयवण्णेया। गोयस्स य सेसाणं उदीरणा जा पमत्तोत्ति ॥२४॥ पत्तोदयाए इयरा सह वेयइ ठिइउदीरणा एसा । वेआवलिया हीणा जावुक्कोसत्ति पाउग्गा ॥२॥ वेयणियाऊण दुहा चउन्विहा मोहणीय अजहन्ना। पंचण्ह साइवज्जा सेसा सव्वेसु दुविगप्पा ॥२६॥ मिच्छत्तस्स चउहा धुवोदयाणं तिहा उ अजहन्ना। सेसविगप्पा दुविहा सव्वविगप्पा उ सेसाणं ॥२७॥ सामित्तद्धाछेया इह ठिइसंकमेण तुल्लाओ। बाहल्लेण विसेसं जं जाणं ताण तं वोच्छ ॥२८॥ अंतोमुहुत्तहीणा सम्मे मिस्संमि दोहि मिच्छस्स। आवलिदुगेण हीणा बंधुक्कोसाण परमठिई ॥२६॥ मणुयाणुपुन्विआहारदेवदुगसुहुमवियलतिअगाणं । आयावस्स य परिवडणमंतमुहुहीणमुक्कोसा ॥३०॥ हयसेसा तित्थठिई पल्लासंखेज्जमेत्तिया जाया। तीसे सजोगि पढमे समए उद्दीरणुक्कोसा ॥३१॥ भयकुच्छआयवुज्जोयसव्वघाईकसाय निदाणं । अतिहीणसंतबंधो जहण्णउद्दीरगो अतसो ॥३२॥ एगिदियजोगाणं पडिवक्खा बंधिऊण तव्वेई । बंधालिचरमसमये तदागए सेसजाईणं ॥३३॥ दुभगाइनीयतिरिदुगअसारसंघयण नोकसायाणं । मणुपुव्वऽपज्जतइयस्स सन्निमेवं इगागयगे ॥३४॥ अमणागयस्स चिरठिइअन्ते देवस्स नारयस्स वा । तदुवंगगईणं आणुपुविणं तइयसमयंमि ॥३॥ वेयतिगं दिट्ठिदुगं संजलणाणं च पढमट्ठिईए। समयाहिगालियाए सेसाए उवसमे वि दुसु ॥३६।।
Jain Education International
For Private & Personal Use Only
www.jainelibrary.org
