________________
पंचसंग्रह (१)
सच्चा असच्चमोसा दो दोसुवि केवलेसु भासाओ। अंतरगइ केवलिएसु कम्मयन्नत्थ तं विवक्खाए ॥१०॥ मणनाणविभंगेसु मीसं उरलंपि नारयसुरेसु । केवलथावरविगले वेउव्विदुगं न संभवइ ॥११॥ आहारदुगं जायइ चोद्दसपुव्विस्स इइ विसेसणओ। मणुयगइपंचेंदियमाइएसु समईए जोएज्जा ॥१२॥ मणुयगईए बारस मणकेवलवज्जिया नवन्नासु । इगिथावरेसु तिन्नि उ चउ विगले बार तससगले ॥१३॥ जोए वेए सन्नी आहारगभव्वसुक्कलेसासु । बारस संजमसंमे नव दस लेसाकसाएसु ॥१४।। सम्मत्तकारणेहिं मिच्छनिमित्ता न होंति उवओगा। केवणदुगेण सेसा संतेव अचक्खुचक्खूसू ॥१५॥ जोगाहारदुगुणा मिच्छे सासायणे अविरए य । अपुव्वाइसु पंचसु नव ओरालो मणवई य ॥१६॥ वेउविणाजुया ते मीसे साहारगेण अपमत्ते। देसे दुविउविजुया आहारदुगेण य पमत्ते ।।१७।। अज्जोगो अज्जोगी सत्त सजोगंमि होंति जोगा उ । दो दो मणवइजोगा उरालदुर्ग सकम्मइगं ॥१८॥ अचक्खुचक्खुदंसणमन्नाणंतिगं च मिच्छसासाणे। विरयाविरए सम्मे नाणतिगं दंसणतिगं च ।।१६।। मिस्संमि वामिस्सं मणनाणजुयं पमत्तपुव्वाणं । केवलियनाणदसण उवओगा अजोगिजोगीसु ॥२०॥ गइ इंदिए य काए जोए वेए कसाय नाणे य । संजमदंसणलेसा भवसन्त्रिसम्म आहारे ॥२१॥ तिरियगइए चोद्दस नारयसुरनरगईसु दो ठाणा । एगिदिएसु चउरो विगलपणिदीसु छच्चउरो ॥२२॥
Jain Education International
For Private & Personal Use Only
www.jainelibrary.org
