Page Text
________________
भविओ वेरसंबंध ]
सत्तरसमो बंधुमती लंभो ।
२७५
चवयणेहिं जिणोवएसचंदण सीयलेहिं संबोहिओ उवसंतो कयभत्तपरिचाओ अरहंतनमोक्कारपरिणओ पाणे परिच्चइऊण चमरस्स असुररण्णो महिसाणियाहिवती लोहियक्खो देवो जातो. ममय नाणुपत्तिहरिसिओ बंदिउमागतो परिसामज्झे एसो-त्ति दंसिओ भयवया । ततो पणओ भणति — राय ! अहं सो महिसो इयाणिं । भयवंतं केवलिं नमिऊण ततो 'एएहिं असा सिस्स अमचोवएसो रसायणोवमो जातो, तिरियदुग्गतीओ फिडिओ, तुम्भे 5 हुमागतो' केवलिवणंति सोऊण ततो राया पुणो पुच्छति - भयवं ! एयस्स तुम्ह य जम्मंतरगत अस्थि वेराणुबंधो ? जओ तुम्भे अणवराही आहओ असिणति । ततो सुदिट्ठे केवली भणति - सुणह— मिगद्धय-भद्दगाणं पुत्रभवसंबंधो तत्थ तिविहु-आसग्गीवाणं संबंधो
अथ इव भार वासे वेयड्डे उत्तरायं सेढीयं चमरचं चायं नयरीयं मऊरगीवस्स 10 विजाहररण्णो पुतो आसग्गीवो नाम आसि । सो य विज्जाबलेण रायणाम - गोओएण यस विज्जाहरे जिणेऊण भारहगरायाणो य रयणपुरे हिओ रायसिरिमणुहवइ ।
तस्स पुण हरिमंसू नाम अमच्चो आसि नत्थियवाई । सो एवं दिट्ठी – नत्थि सरीरवइरित्तो अप्पा नाम कोइ न पुण्ण-पावं, न य तस्स फलाणुभागी कोइ, न य नरया, ण देवलोया, सुमेतं एवं ति । तं च आसग्गीवो [भणति ] - बहुसो अहं विउला रिद्धी सा अवस्स केणइ 15 पुण्णफणमज्जिया, तं इयाणि पि दाणं वा समण - माहण - किवणाण पइच्छामो, सीलं वा कालं उद्दिस्स करेमु तवं व त्ति ततो णे परलोयहियं भविस्सइ त्ति । हरिमंसू भणति - सामि ! नत्थि जीवो जस्स परलोए हियं मग्गिज्जइ. जइ भवे देहवइरित्तो निग्गच्छंतो सरीराओ उवलभेज्ज सउणो पंजराओ वा. एवं गिण्हह - पंच महाभूयाणं कोइ संजोगो मणुस्सस - ण्णिओ उप्पज्जत्ति, जत्थ जीवसण्णा लोयस्स अवियाणयस्स. जहा इंदधणु जहिच्छाए दंसणीयं 20 उप्पज्जति, पुणो वि जहिच्छाए पविणस्सए; एवं न कोइ एत्थ सारभूओ अस्थि [*न कोइ*] जो सरीरपभेए परभवसंकामी. ण य पावं न पुण्णफलं पंडिएहिं नरयभयं देवलोय सोक्खं च वणियं तं मुह परलोगहेडं तं पत्तियह 'नत्थि देहवइरित्तो जीवो परिच्छयमएण' त्ति । एवं सो हरिमंसू बहुसो पण्णवेइ आसग्गीवं धम्माभिमुखं ।
तमि य समए पोयणपुरे नयरे दक्खो नाम राया । तस्स भद्दा अग्गमहिसी, 25 तीसे मियावती नाम दुहिया, पुत्तो अयलों नाम । सा य मियावती कुमारी पसत्थलक्खणोववेया रूवंसी य । ततो दक्खो मियावई जोवणमणुपत्तं अईवलावण्णवण्णकलियं पस्समाणो मयणवसगतो जातो । ततो सो तीसे वयणासवमयं रूवं नयणवीसामभूयं, हसियं मणग्गाह, गत्तफरिसं च अणण्णजुवतिसरिसं मण्णमाणो चिंतेइ - एयं इत्थिरयणं जइन उवभुंजामि ता मे मोहं मणुस्सजम्मं जीवियं चत्ति । ततो णेण पउरवग्गस्स 30 पहाणा पुरिसा सद्दावेऊण पूइय-सक्कारिया पुच्छिया - जं मम पुरे अंतेउरे वा रयणं समु१ महुर शां० ॥ २ तं भयलाभहेउं शां० ॥
Jain Education International
For Private & Personal Use Only
www.jainelibrary.org
| SR No. | 001889 |
| Book Title | Vasudevhindi Part 2 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1931 |
| Total Pages | 228 |
| Language | Sanskrit |
| Classification | Book_Devnagari, Story, & Literature |
| File Size | 12 MB |