Page Text
________________
चरियं ]
एगवीसइमो के उमतीलंभो ।
३४३
रिज्जाणि दीहकालवण्णणिज्जदहार्णिमणुहवमाणा चिरं किलिस्संति । तत्थ य जे अभविया ते उलूपक्खिणो विव सूरुग्गमस्स, कंकडुग इव पागस्स, सक्कराबहुलगा इव पुढवीपदेसा घडभावस्स, अओग्गा मोक्खमग्गस्स त्ति अपज्जवसियेसंसारा । एवं वित्थरेण बहुपज्जायं च ( मन्थानम् - ९७००) कहियं । भयवओ य पणया परिसा 'नमो भयवओ सुभासियं' ति ।
एत्यंतरे चक्काउहो राया तित्थयरवयणाइसयसंबोहिओ जायतिवसंवेगो परिभोग- 5 मिलाणमिव मालं रायविभूइं अवइज्झिऊण निरविक्खो निक्खंतो बहुपरिवारो, तत्थेव समोसरणे ठविओ पढमगणहरो | इंदेहिं य से परमाणंदिएहिं वियसियनयणारविंदेहिं कया महिमा । लोयगुरुं पयक्खिणेऊण गया सयाणि ठाणाणि देवा मणुया य ।
भवियकुमुदागरबोहणं च कुणमाणो जिणचंदो जओ जओ विहरइ तओ तओ जोयणपणुवीस जाव बहुसमा पायचारक्खमा दिवसुरहिगंधोदयाहिसित्ता बेंटट्ठाइसवण्णपुरकावगार- 10 सिहरा भूमीभागा भवंति । सबोउयकुसुम - फलसिरिसमुदओववेया पादवा निरुवसग्गा धम्मकज्जसाहणुज्जया पमुदिया पयाओ । नियत्तवेरा- मरिसाओ सुहाहिगम्मा दाण-दयावरा रायाणो केसिंचि विसज्जियरज्जकज्जा पवज्जमब्भुवगया । नरिंद- रायसुया इब्भा य परिचत्तरिद्धिविसेसा तित्थयरपायमूले समल्लीणा संजमं पडिवण्णा । माहणा वइस्सा य इत्थीओ य तहाविहाओ विहवे मोत्तूण विसयसुहनिरवकखाओ निक्खता सामण्णे एयंति । केइ पुण 15 असत्ता सामण्णमणुपालेडं गिहिधम्मं पडिवण्णा तवज्जया विहरंति ।
सामिणो य चक्का उहप्पमुहा छत्तीसं गणहरा सुयणिहओ सबलद्धिसंपण्णा । एवं संखा जिणस्स समणाणं बासट्ठिसहस्साणि, अज्जाणं एगट्ठिसहस्साणि छ सयाणि, सावगपरिमाणं बेसयसहस्साणि चत्तालीसं च सहस्साणि, सावियाणं तिण्णि सयसहस्साणि नव य सहस्साणि ।
भयवं चत्तालीसं धणूणि ऊसिओ । सोलसमासूणगाणि पणुवीसं वाससहस्साणि जगमु - 20 जोवेऊणं विज्जाहर- चारणसेविए सम्मेयसेलसिहरे मासिएणं भत्तेण जेट्ठामूलबहुलपक्खे तेरसीए भरणिजोगमुवगए चंदे नवहिं य अणगारसएहिं समगं पायोवगमणमुवगतो । देवा जिणभत्तीए लोगट्ठितिसमागयाओ । संतिसामि विधूयकम्मो सह तेहिं मुणीहिं परिनेव्वुओ । सुरा - सुरेहिं य से विहीए कओ सरीरसक्कारो, जहागयं च पडिगता जिणगुणाणुरता ।
ततो चक्काउहो महेसी सगणो विसुद्ध निरामयो विहरमाणो जणस्स संसयतिमिराणि 25 जिणवई विव सोहेमाणो सरयससिपायधवलेण जसेण तिहुयणमणुलिहतो बहूणि वासाणि विहरिऊण मोहावरणंतरायक्खए केवली जाओ । तियसपइपरिवंदियपयकमलो य कमेण इमी परमपवित्ताए सिलाए वीयरागसमणवंदपवुिडो निट्टियकम्मंसो सिद्धो । सुरेहिं भत्तीवसमाग एहिं सायरेहिं कया परिनिवाणमहिमा । तप्पभितिं च संतिस्स अरहओ बत्तीसाए पुरिसजुगेहिं निरंतरं सिज्झमाणेहिं इमीए चक्काउहमहामुणीचलणपंकयंकाए सिलाए 30 संखित्तपज्जवाणं संखेजाओ कोडीओ रिसीणं सिद्धाओ ॥
१ °णि अणु० शां० ॥ २ व्यंसंपरा उ २ मे० विना ॥ ३ तपत्तपजवसाणं सं० शां० ॥
Jain Education International
For Private & Personal Use Only
www.jainelibrary.org
| SR No. | 001889 |
| Book Title | Vasudevhindi Part 2 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1931 |
| Total Pages | 228 |
| Language | Sanskrit |
| Classification | Book_Devnagari, Story, & Literature |
| File Size | 12 MB |