Page Text
________________
चरियं ]
एगवीसइमो के मतीलंभो ।
३४१
तिमिसगुहाओ य महाणुभावयाए रयणपरिग्गहिओ कसिणजलदावलिगिलिओ विव मियंको विणिग्गओ य गओ कमेणं चुल्लहिमवंतं वासहरपवयं । तण्णिवासिणा य देवेण पणएण 'अहं' देव! तुझं आणाविधेओ' त्ति पूजिओ । ततो उसहकूडपबयं निययनामचिंधं काऊणं, विज्जाहरेहिं सरणागएहिं पूइओ, गंगादेवीए कओपत्थाणो, खंडगपवायगुहाए वेड्डूपवयमभिलंघइत्ता, णिहीहिं नवहिं सबेहिं पूइओ महया इड्डीए गयपुरं गतो 5 पविट्ठो । णिरीतिगं णिरुवसग्गं सयलं भरहवासं पालइत्ता पणुवीसं वाससहस्साइं गमेइ ।
आसघर गएणय कओ संकप्पो संतिसामिणा निक्खमिडं । लोयंतिया य देवा उवट्टिया बोउं । ते पसत्थाहिं भारहीहिं अभिनंदति । ततो भयवं संवच्छरं कयवित्तविउस्सग्गो चक्काउहं निययपुत्तं रज्जे अहिसिंचिऊण जेट्ठकण्हचउदसीपक्खे छट्ठेणं भत्तेणं देवेहिं चउविहिं महीयमाणो सवट्ठसिद्धाए सिबियाए देवसहस्तवाहिणीए सहसंबवणे एगं देव - 10 दूसं देवदिण्णमायाय निक्खंतो रायसहस्सेण समं । चउनाणी सोलस मासे विहरिऊण तमेव सहसंबवणमागतो दिवच्छस्स पायवस्स अहे एगंतवियकमविचारिं ज्झाणमइकंत सुक्कतियभायमभिमुहस्स पक्खीणमोहावरणंतरायस्स केवलनाण-दंसणं समुपणं ।
ततो देवा भवण-विमाणाधिपयओ गंधोदय- कुसुमवरिसं च वासमाणा उवागया वंदिऊण भयवंतं परमसुमणसा संट्ठिया । वणयरेहिं य समंततो देवलोयभूयं कथं जोयणप्पमाणं 115 ततो हरिसवसवियसियनयणेहिं वेमाणिय- जोईसिय-भवणवईहिं रयण-कणय-रययमया पायारा खणेण निम्मिया मणि - कणय - रयणकविसीसगोवसोहिया । तेसिं च पत्तेयं पत्तेयं चत्तारि दुवाराणि रययगिरिसिहरसरिसाईं । जत्थ य अरहा वियसियमुहो जगगुरू संठिओ । नंदिवच्छपायवो सो वि दिव्वपहावेण जैयचक्खुरमणेण कप्परुक्खसा रिक्खरू विणा रत्तासोगेण समोच्छण्णो । तण्णिस्सियं च सीहासण मागास फलिहमयं सपायवीढं देवाण विम्ह - 20 यजणणं । उवरिं गगणदेसमंडणं सयलचंद पडिबिंबभूयं छत्ताइछत्तं । भवियैजणबोहण हेडं च भयवं पुरच्छाभिमुहो सण्णिसण्णो । ठिया य जक्खा चामरुक्खेवऽक्खित्ता । पुरओ य तित्थयरपायमूले कणयमयसहस्सपत्तपइट्ठियं तरुणरविमंडलनिभं धम्मचक्कं । दिसामुहाणि य एहिं सोहियाणि । तुट्ठेहिं से देवेहिं पहयाओ दुंदुहीओ । दंसिया नट्टविहीओ नट्टि - याहिं । गीयं गंधव्वेहिं । मुक्का सीहनाया भूएहिं, कुसुमाणि जंभएहिं । थुयं सिद्धचार - 25 हिं । ततो य पयक्खिणीकाऊण कयपणिवायाओ वेमाणियदेवीओ भविस्ससाहुद्वाणस्स दक्खिण दक्खिणपुवेणं संट्ठियाओ । भविस्ससाहुणिगणस्स य पच्छिमेणं भवणाहिववणयर- जोइसियदेवीओ दाहिणपञ्चच्छिमेण भयवओ ठितीयाओ । पञ्चच्छिमेण दुवारउत्तरेण भवणवई जोइसिया वंतरा य देवा । वेमाणिया देवा उत्तरदुवारेण । पुरच्छिण मणुया मणुस्सीओ य ।
1
30
१ 'क्वातिअज्झाणमभि० शां० विना ॥ २ जणवयच शां० ॥ ३ 'डलं सयलं चंद्रबिंबभूयं शां० विना ॥ ४ 'वियाण बो० क ३ गो० ॥ ५ सोभणियाण शां० ॥
Jain Education International
For Private & Personal Use Only
www.jainelibrary.org
| SR No. | 001889 |
| Book Title | Vasudevhindi Part 2 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1931 |
| Total Pages | 228 |
| Language | Sanskrit |
| Classification | Book_Devnagari, Story, & Literature |
| File Size | 12 MB |