Page Text
________________
धम्मिल्ल हिंडी
[ धम्मिल्लेण देवइआईणं विज्जु
3
तत्थ य जणकोहल छुट्टि सीहनादियं च पुरओ निसामेति । पुच्छियो य णेण एगो नयरजुवाणो - वयंस! किं एस सदो ? त्ति । ततो तेण लवियं - एस रण्णो मत्तकरी इह अच्छति, आलाणखंभं भंजिऊणं च पत्तो । ततो सो तं सोऊण वीसत्यो पयाओ, पेच्छइ य तत्थ एगस्स नायरजुवाणयस्स इब्भपुत्तस्स अट्ठहिं इब्भकुलबालियाहिं समं मंगलेहिं 5 को ऊयसयविसिद्धेहिं ण्हाणयं कीरइ । पुच्छियं च गं - कस्स इमो वीवाहो ? ति । ततो एक्केणं वियाणएणं भणिओ - इंददमसत्थवाहपुत्तस्स सागरदत्तस्स पिउणो मणोरहेहिं इब्भकुलकन्नर्गीहिं समं वीवाहो कीरइ, तं जहा - देवईए १ धणसिरीए २ कुमुदाए ३ कुमुदादा ४ कमलसिरीए ५ पउमसिरीए ६ विमलाए ७ वसुमतीति ८ त्ति । जाव य सो परिकइताव य वाइयकोलाहलरवेणं जुगंतकालपुरिसो विव संपत्तो मत्तहत्थी तं पएसं । 10 विपलाओ य समंतओ सो वेवाहियजणो । सो विय वरो ताओ दारियाओ छड्डेऊण पलाओ। ताओ विय रूवस्सिणीओ वागुरपविट्ठाओ विव हरिणीओ समंतओ उद्विग्गमाणसीओ, जीवियस निरासाओ, पलोएमाणीओ, भयभीयसमुप्पिल्लियहिययाओ, गंतुं अचायमाणीओ तत्थेव द्वाणे ट्ठियातो । हत्थी य ताण अवभासमागतो । ततो तेण लवियाओमा बीह त्ति । हॆत्थे य घेत्तूण सयं घरमुवणीयाओ । ठविऊण य ताओ पुणरवि निग्गओ, 15 दिट्ठो य णेण गयवरो, तं च हत्थिसिक्खाकुसलो खेल्लावेऊण उवरिमारूढो गतो संधपएसं । ततो हत्थी धुणियं पयत्तो, तेण य आसणथिरयाए कंठम्मि से रज्जु छूढा, गहिओ अंकुसो, आणिओ य वसं । उवगर्यां य गणिया य गणियारीउ च हत्थिग्गणनिमित्तं । तओ सो वाइयकणेरुगंधो(धओ) परिसंठिओ, आरूढो सिरारोहो । ततो धमिलो उइण्णो । राइणा य सुयंसामि ! गहिओ मत्तहत्थी अकालवहो धम्मिल्लेणं ति । ततो विम्हयं गतो राया नायरजणो य 20 'अहो !!! अच्छेरयं' -भणंतो पुणो पुणो अहिनंदति । ततो राइणा पूइय-सम्माणितो विसज्जितो सभवणं गतो विमल - कमलदंसणुस्सुओ । समागमणेणं परो आणंदो घरजणस्स जातो ।
ततो तेण पच्छा सुयं - तेहिं किर वैरइत्तएहिं पुणो परिणेऊण आढत्ताओ पुववरस्स ताओ वहूओ । ताहिं किर भणियं - अम्हे परिचत्तातो एएणं, छड्डेउण णं पलाओ. तं अलाहि अम्ह एएण नाममेत्तपदिणा. जेण मे (ने) जीवियं दिनं सो णे भत्ता होउ ति । ततो किल ताणं 25 ववहारो रायकुले जातो, जिंत्तं च ताहिं । ततो राइणा धम्मिल्लगिहे विसज्जियातो, सबो य संसण-परियणो आगतो, वत्तं च ताहिं समं कल्लाणं । जुवराया गोट्ठियमित्तजणो य eat आनंदिओ ।
७०
ओ धम्मिल्लेण संवाहपइणो रन्ना सह संधी काराविया । ततो तेण परमावती पेसिया, तीए य सह समागमो जाओ । ततो धम्मिल्लेण विमलाए पायतालणी- णिग्ग
२
१ उक्किसीहनायं उ २ विना ॥ २ °विसेसेहिं उ० ॥ ३ °हिं अट्ठकुल शां० ॥ ४° गाण समं उ विना ॥ ५ °स्थेण घे उ २ विना ॥ ६ °याउ गणियारीओ हत्थि शां० विना ॥ ७ वारत्तएहिं उ २ विना ॥ ८ सो अम्हाणं भत्ता क ३ ॥ ९ जितं ली ३ उ० ॥ १० हणप उ २ विना ॥ ११ शां० विनाऽन्यत्र'णातणिग्ग क ३ गो ३ उ० । तणिमग ली ३ ॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |