Page Text
________________
धम्मिल्लहिंडीए [धम्मिल्लस्स कविलाए पाणिमेत चेय मे हिययं पविद्वा. पुण्णो य मे मणोरहो' ति भाणिऊण नियघरं गया । तत्थ य णाए मांऊए सवं परिकहियं । परितुहा य से माया पिति-सयण-परियणो य । वित्तं से कल्लाणं णगरीऐ पगासं । ..
तत्थ य नयरीएं कविलस्स रन्नो धूया कविला नाम, सा य नागदत्ताए वयंसिया । 5 ताए य सुयं, जहा-नागदत्ताए वरो लद्धो, कल्लाणं च से वत्तं ति, सो य किर पुरिस
गुणनिहाणभूओ नवजोवणो य । ततो ताए मयणसरसोसियहिययाए माया भणिया-अम्मो ! पसायं करेह, सिग्धं मे सयंवरं पयच्छह त्ति । ततो तीए वि धूयवच्छलाए राया विण्णविओ-कविलाए सयंवरो दिजउ त्ति । ततो तेण लवियं-एवं कीरउ । तओ रण्णा
सोहणदिणे आणत्तो सयंवरो कविलाए। ठाविया य सविभववेसालंकिया ईसर-कुडुंबियपुत्ता, 10 अण्णे य जहाविभववेसधारिणो इब्भपुत्ता, धम्मिल्लो वि य विणीयवेसाहरणो तहिं गतो । ततो सा रायकन्ना पउमसंडवत्थवा विव लच्छी जणस्स रूव-कंतीहिं दिहिँ सारंधाणी व आगया सयंवरामंडवं । दिट्ठा य धम्मिल्लेणं रूवाइसयसंपन्ना रायकण्णा । तीय वि य देवकुमारोवमसिरीओ धम्मिल्लो निद्ध-महुराए दिट्ठीए अवलोइओ। ततो सा मदणसराहयहियया तस्स सगासं गया । ततो से सुरभिपुप्फदाम सेवासं(?) उरे उलएइ, अक्खए य 15 से सीसे छुहइ । तओ तं दट्टण परं विम्हयं जणो उवगओ । वत्तो य सयंवरो, रणो य आणत्तीय अइणीओ भवणं । तओ रायकुलाणुरूवं वत्तं से कल्लाणं। एवं च ताव एवं(यं)। तओ विमलसेणा तस्स विओगेण परिदुबलखामकवोला सोगसागरसंपविट्ठा अच्छइ ।
तओ सो बितियदिवसे रण्णो सम्मएणं सह कविलाए परियणेहिं हिंडाविओ। सो य सविड्डि-सविभवेण हिंडमाणो विमलसेणाए घरस्स अग्गदारं संपत्तो । ततो भिञ्च-परियणो 20 से रॅण्णो धूया केण परिणीय ?' त्ति सोऊण निग्गओ, नवरि य धम्मिल्लं पेच्छंति, ससंभमं तेण य गंतूण विमलाए कहियं-सामिणि! धम्मिल्लो रण्णो जामाउओ जाओ। तओ सा तं वयणं सोऊण ईसासवेविरेसरीरा सुपरिगणियं हियए काउं 'किं मम इह अच्छियवेणं ?' ति हत्थे पाए य पक्खालेऊण सुद्धवासाभोगा सोवण्णेणं गयमुहेणं भिंगारेणं अग्धं
घेत्तूण निग्गया । पयक्खिणं जाणयं काऊण ततो णाए तस्स दाहिणो हत्थो ऊसवेऊण 25 भणिओ-भट्टिदारग! दिट्ठा ते" विहि त्ति । ततो तेण सा तम्मि चेव हत्थे घेत्तूण जाणयं विलईया, पत्तो य रायघरं, उईण्णो जाणाओ, कयकोऊयमंगलो य कमलाए विमलाए य समं सुहं सुहेणं अणुभवंतो चिट्ठइ।
अह अण्णया कयाई रण्णो आसो उवणीओ । सो य तं दमेउं पयत्तो । ततो य आसपडिचारगेहिं दिण्णे मुहमंडणे, समारोविए खलिणे, सँवसज्ञत्तयवद्धे पडताणे, उप्पीलिए
.१ "मित्ता य तुमे शां० विना॥ २-३ रीये शां० ॥ ४ सवारं उरे शां० ॥ ५ पडिदु० उ २ विना ॥ ६ बितइयदि शां० विना॥ ७ रायधूया ली ३ ॥८°वेस ली ३ ॥ ९ °वियस उ २॥ १० ते चिहि त्ति शां० ॥ ११ पत्ता क ३ विना ॥ १२ °इण्णा क ३ विना ॥१३ °हमहणे उ २ विना ॥ १४ सत्तसंजुत्त शां०।।
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |