Page Text
________________
आहरणं रिवुदमणणायं च] धम्मिल्लचरियं । . विच्छिन्नं, महंतविहत्तगंडलेह, रत्तीयंबविसालनयणं, विगित-दुग्गम-वक्कनासं, विष्फालियथूल-लंबोटं आपणो मुहं दट्टण तं च दारयं 'एवमेयं ति भणति । ततो तेण य अपरिच्छियबुद्धिणा पावेण तेण य खग्गेणं दारओ मारिओ।सा वि य वेत्त-कसप्पहाराभिहया मुंडेऊण तक्करे समादिसइ-वाह, भो! एयं रुक्खे बंधह त्ति । ततो ते तक्करपुरिसा तं गहाय दूरं गया । तत्थ य ते पंथन्भासे एगम्स सालरुक्खस्स मूले रज्जुए वेढिऊण कंटयसाहा समं-5 ततो परिक्खिविऊण नियत्ता । सा वि वराई पुवकम्मनिवत्तियं दुक्खमणुभवंती बहूणि य हियारणं चिंतयंती अणाहा असरणा य अच्छति ।
तत्थ य तीए भागधेजेहिं उज्जेणिगमणीओ सत्थो तत्थेव तम्मि चेव दिवसे पाणियसुलभे पएसे आवासिओ । ततो सत्थाओ तण-कट्ठ-पत्तहारया केइ दूरं गया । तेहि य सा कंटकसाहाहिं रुद्धा रज्जुपरिवेढियसरीरा रुक्खमूले एकलिया दिट्ठा, पुच्छिया य । 10 तीए य सकलुणं रोयंतीए सवा अण्णहदुक्खपरंपरा परिकहिया । ततो सा तेहिं जायाणुकंपेहिं मुक्का, तं च घेत्तूण सत्थं गया, सत्थवाहस्स जहावत्तं परिकहियं । ततो सत्थवाहेण समासासेऊण दिण्णऽच्छायण-भोयणा भणिया-पुत्त! सत्थेण समं वच्चसु वीसत्था, मा बीहेह त्ति । ततो सा आसासिया वीसत्था तेण सत्थेणं समं उज्जेणिं वच्चइ । तेण य सत्येण समं बहुसिस्सिणिपरिवारा जिणवयणसारदिट्ठपरमत्था सुबया नाम गणिणी 15 जीवंतसामिवंदिया वञ्चइ । सा य तीसे पायमूले धम्मं सोऊण सत्थवाहेणाणुनाया पवइया, नामं च से 'कंटियजय' त्ति । ततो सा ताहिं अजाहिं समं उजेणिं पत्ता, पिउमाउ-बंधुवग्गेण य सहमल्लीणा । कहेऊण य अप्पणो दुक्खं दुगुणजायसंवेगा सज्झाए तवे य उजुत्ता धम्मं करेइ ॥ __ ततो हं सुंदरि! तुम भणामि-एयाणि अण्णाणि य अप्पच्छंदमइया बहूणि दुक्खाणि 20 पाति. ता मा तुमं अयाणिया होहि. ममं सुणसु-मा ते वसुदत्तापज्जतो भविस्सइ त्ति. ___ ततो सा भणइ-एवं ताव वसुदत्ता नट्ठा, रिउदमणो उण कहं नट्ठो?. ततो सा मए भणिया-सुण सुयणु !--- सच्छंदयाए रिवुदमणनरवडणायं ___ अत्थि तामलित्ती नाम नयरी । तत्थ रिवुदमणो नाम राया, भज्जा य से पियमती 25 नाम । तम्स य रन्नो सहपंसुकीलियओ महाधणो धणवती नाम सत्थवाहो । तत्थ य नयरीए धणओ नाम कोट्टाओ परिवसइ । तस्सऽण्णया कयाइ पुत्तो जातो । ततो सो धणओ परिदरिदो, भज्जा य से परिखीणविभवा, चिंताए दो वि कालगया । सो वि य
१ "तायतवि शां०॥ २ विमिंदवुग्गमंडुक्कनासं ली ३ गो ३ । विसिवुग्गमंडुक्कनासं क ३ ॥ ३ विसालि° उ २ विना ॥ ४ संदि शां० ॥ ५ जणा बंधिऊण ली ३॥६ जाहिं उ २ विना ॥ ७ पुत्ति शां० विना॥ ८ जीवसा संसं० शां० विना ॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |