Page Text
________________
धम्मिल्लहिंडीए [विमलासण्णवणत्थं वसुदत्तापरिहीणकुटुंब-विहवा 'अम्हं न करेइ वयणं' ति तुण्हिक्का ठिया । सा वि य मंदभग्गा गया, ताव सत्थो दूरमतिकतो । सा वि सत्थपरिब्भट्ठा अन्नेण मग्गेण गया । भत्ता य से तद्दिवसं चेव आगओ । पुच्छिया तेण माया-अम्मो ! कहिं वसुदत्ता गय? त्ति । ताए य भणिओ-पुत्त! उजेणीसत्थेण समं अम्हेहिं वारिजमाणी वि गय त्ति । ततो सो 5 'अहो ! अकजं कयं' ति भणेऊण पुत्त-कलत्तबद्धनेहाणुरागो गहियपत्थयणो मग्गतो अन्नेसंतो गतो । अणुसरंतेण य सा अडवीं अंइंती दिट्ठा भममाणी । तोसिया अणेणं पुणरवि अणुणेउं, पत्थिया पविट्ठा य अडविं महल्लं, अत्थमिए दिणयरे आवासिओ।
तम्मि य समए वसुदत्ताए पोट्टे वेयणा जाया । ततो धणदेवसत्थवाहेण रुक्खसाहापल्लवे भंजिऊण मंडवो से कओ । तत्थ य वसुदत्ता पसूया दारयं पयाया । तत्थ य अंध10 कारे रत्तिं रुहिरगंधेणं मिगमंसाहारो अडवीसावयखयंकरो महापइभओ वग्यो आगतो । तेण य सो धणदेवो वीसत्थो चेव गलए घेत्तूण नीओ। सा वि य पइवियोगजणियदुक्खा भय-कलुण-सोगसंतत्तहियया रोयमाणी 'तं जायमेत्तयं अभवो' त्ति भणंती मोहं गया । ते वि य कलुणा असरणा भयवेवियसबंगा बाला मोहं गया । सो वि य तदिवसं जायओ
दारओ थण्णं अलभमाणो उवरओ । सा वि य चिरेण पञ्चागयचेयणा समाणी परिदेवंती 15 पभाए पुत्ते घेत्तूण पत्थिया । अकालवरिसेण गिरिनदी पुन्ना । सा य तं दतॄण एगं पुत्तं
उत्तारेऊण बितियं उत्तारेती विसमसिलातले निसिरियचलणा पडिया । दारओ य से हत्थाओ पन्भट्ठो । सो य अवरो दारओ उदगम्भासे ट्ठिओ तं मातं पाणिए पडियं दळूण तेण वि यं जले अप्पओ छूढो । __सा वि य तवस्सिणी चंडवेगवाहिणीए गिरिनदीए दूरं यूँढा, तत्थ य नदीकूले पडि20 यस्स पायवस्स साहाए लग्गा, मुहुत्तंतरस्स य आसत्था सेइरं उट्ठिया । तत्थ य सा
अच्छंती नदीतडे वणगोयरेहिं तक्करपुरिसेहिं गहिया, पुच्छिया य आणीया सीहगुहं नाम पल्लिं, अल्लिया य चोरसेणावइस्स कालदंडस्स । तेण य सा 'रूवस्सिणि' त्ति काऊण भजा कया, अंइनीया य अंतेउरं । सा य सवाणं सेणावइमहिलाणं अग्गमहिसी जाया ।
तओ ताओ तक्करमहिलाओ पइणो सरीरपरिभोगमलभमाणीओ उवायं चिंतिंति-किह25 मेयं परिचएज्ज ? त्ति । तस्स य तीसे कालेण पुत्तो जातो, सो य माउंसरिसओ । तओ ताहिं सेणावई विण्णविओ-सामि ! तुम अइवल्लभाए इमाए चरियं न याणसि. एसा परपुरिसासत्तहियया. एस य से पुत्तो अन्नेण जायओ त्ति. जइ ते विपञ्चओ, अप्पाणं एयं च पेच्छह त्ति । तेण कलुसहियएण खग्गं कड्डिऊण अप्पा जोइओ, दिदं च णेण मुहं ।
- १°या य ण शां० ॥ २ ताए उ भ° उ २ विना ॥ ३°णि सशां० ॥ ४ गंतो उ २ ॥ ५ °डविं उ २ ॥ ६ अयंती शां० ॥ ७ बीयं उ २ विना ॥ ८ छूढा ली. य. शां० विना ॥ ९ सयरं उ २ विना ।। १. अयणीया शां०॥ ११ ऊए सठ २ विना ॥ १२ क ३ विनाऽन्यत्र-'लन्भेणं इमा° ली ३ । 'लभेणं इमा गो३ उ २ ॥ १३ चाणे क ३॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |