Page Text
________________
वायसक्खाणयं]
धम्मिल्लचरियं । - ततो एवं भणिए पडिभणइ–किं तव पुरिसा न भविस्संति ? वसंततिलयाए भणियाअहो तुमं सि कयग्घा, जहा वायसा तह त्ति । ततो तीए लवियं-कहं वायसा कयग्ध ? त्ति । ततो वसंततिलयाए भणिअं-अम्मो! सुणसु लोइअसुईकयग्घयाए वायसक्खाणयं
इओ य किर अतीते काले दुवालसवरिसिओ दुभिक्खो आसी । तत्थ वायसा मेलयं काऊण अण्णोण्णं भणंति-किं कायबमम्हेहिं ?, वड्डो छुहमारो उवढिओ, नत्थि जणवएसु वायसपिडियाओ, अण्णं वा तारिसं किंचि न लब्भइ उज्झणधम्मियं, केहियं वच्चामो ? त्ति । तत्थ वुढेवायसेहिं भणियं-'समुद्दतडं वच्चामो. तत्थ कायंजला अम्हं भायणेजा भवंति, ते अम्हं समुद्दाओ मच्छए उत्तारिऊणं दाहिंति. अण्णहा नत्थि जीवणोवाओ' संपहारेत्ता गया समुद्दतडं । ततो तुट्ठा कायंजला, सागय-ऽब्भागएण य सम्माणिया, कयं च तेसिं पाहुण्णयं । 10 एवं ततो तत्थ कायंजला मच्छए उत्तारित्ता देंति । वायसा तत्थ सुहेण कालं गति । __ तत्तो वेत्ते बारससंवच्छरिए दुभिक्खे जणवएसु सुभिक्खं जायं । ततो तेहिं वायसेहिं संपहारेत्ता वायससंघाडओ 'जणवयं पलोएह' त्ति पेसिओ, 'जइ सुभिक्खं भविस्सइ तो गमिस्सामो' । सो य संघाडओ अचिरकालस्स उवलद्धी करेत्ता आगतो। साहति य वायसाणं, जहा-जणवएसुं वायसपिंडिआओ मुक्कमाणीओ अच्छंति, उठेह, वच्चामो त्ति। ततो ते संप-15 हारेति-किह गंतवं ? ति । 'जइ आपुच्छामो नत्थि गमणं' एवं परिगणेत्ता कायंजले सद्दावेत्ता एवं वयासी-भागिणेजा ! वच्चामो। ततो तेहिं भणियं-किं गम्मइ ?। ततो भणंतिन सकेमो पइदिवसं तुम्हं अहोभागं पासित्ता अणुट्ठिए चेव सूरे । एवं भणित्ता गया । ___ एवमेयं तुमं पि वायससरिसौ. जाणामि, धम्मिल्लसंतिएण अत्थेण उद्धृया समाणी भणसि 'छड्डेह धम्मिलं' ति । एवं च तीए भणिया लजिया तुहिक्का ठिया । 20
ततो तीए धुत्तीए अइरागरत्तं वसंततिलयं जाणिऊण 'न तीरइ मोएउं' ति परिगणेऊण केब्बडदेवयानिमित्तं काऊण घरे आणंदो सैदाविओ। वसंततिलयाए य सबो सहिजणो निमंतिओ-गणियाओ दारियाओ य । आमंतियाओ य गणियाओ। ततो गंध-धूव-पुप्फ-भत्तेणं जहेसु घरदेवएसुं पच्छा धम्मिल्लो ण्हाओ पयओ, परमसुईभूओ, सबालंकारभूसियसरीरो लट्टे भोयणमंडवे खज-पेज-भोजावसाणे सजिए (?) सहियाजणपरिवारिओ वसंततिलयाए 25 सहिओ पाणं अणुभवति ।। धम्मिल्लनिवासणं तच्चिंता य
ततो अइपाणपसंगेण अचेयणभूओ जाओ, परिदुब्बलएगवत्थो य नयरबाहिरियाए अ
१ इयं सुई शां०॥ २ ते दुवा कसं० उ २ विना॥ ३ °हामा० उ २॥ ४ वासपिं० ली ३॥ ५ ली ३ विनाऽन्यत्र-कहिं व उ०। कहं व क ३ गो ३ ॥ ६ कागेहि ली३ विना ।। ७°ति सं° उ २ ॥ ८च सिं ली ३ शां० ॥ ९ वित्ते क ३॥ १० सं जाणामि ली ३॥ ११ विलया तु° उ २॥ १२ गो. वा. विनाऽन्यत्र-कवडदे कसं० संसं० ख० उ २ कडदे ली ३ मो०॥ १३ सजावि° उ २॥ १४ °यादा उ २॥
व.हिं. ५
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |