Vasudevhindi Part 1

SR No.: 001888
Original Sutra Author: Sanghdas Gani
Author: Chaturvijay, Punyavijay
Publisher: Atmanand Jain Sabha
Publication Year: 1930
Total Pages: 210
Language: Sanskrit
Classification: Book_Devnagari, Story, & Literature
File Size: 18 MB

Page 32

सागरदत्त-सिवकुमारभवसंबंधो] कहुप्पत्ती ।
तं पि से वयणं सोऊण बुद्धी जाया-सुङ भणइ माहणी 'वंतासी दुगुंछिओ होहिइ' त्ति । तओ भणइ नायलं-वञ्चामि गुरुसयासं अणुसासिओ तुमए, काहं परलोगहियं, पस्सामि ताव सयणं ति । तीए भणिओ-किं सयणेणं मे दिटेणं वाघायकरेणं? , वैचह, सकजे निच्छिओ होइहि । अहं पि साहुणिसमीवे पवइस्सं ति । तं च वयणं पमाणं कुणंतो वंदिऊण जिणबिंबाणि पडिनियत्तो । गुरुसगासे आलोइयपडिक्कतो निधियारो सामण्णम- 5 णुचरेऊण कालगतो सक्कस्स देवरण्णो सामाणिओ जातो। सागरदत्त-सिवकुमारभवसंबंधो
भवदत्तो ठिइक्खएणं चुओ पोक्खलावइविजए पोंडरगिणीए नयरीए वइरदत्तस्स चक्कवट्टिणो जसोहराए देवीए गंभ उववन्नो । तीए य समुहमजणडोहले समुप्पन्ने । ततो राया महया इड्डीए सीयं महानइं समुदर्भूयं गतो । तत्थ य जसोहरा देवी मजिआ 10 विणीयडोहला तत्थेव पुण्णे पसवणसमए पसूया कुमारं पसत्थलक्खणोववेयं । तस्स य डोहलगुणसूइयं कयं नामं 'सागरदत्तो' त्ति । सो सुहेण वड्डिओ गहियकलाकलावो य पत्तजोवणो तरुणजुवइविंदसहितो वणगओ इव करेणुपरिकिन्नो अभिरमइ। . पासायगओ य कयाइ पस्सइ मेरुसरिसप्पमाणं बलाहगं नयणमणोहरं । जह कहिजइ रिसीहिं मेरू तारिसो इमो जलहरो। जइ य एरिसो मेरू तो सच्चं देवरमणो । सो य तेण 15 सपरियणेण दीसमाणो जलबुब्बुओ इव खणेणं विलीणो । तं च उवसंतो चिंतेइ-एरिसी नाम सोहा नयणामयभूया खणेण विणट्ठा, मणुस्साणं पि नूणं एरिसीओ रिद्धीओ विणासपज्जवसाणाओ । जो वि इमो सरीरसमुदाओ सो वि न नजइ, कम्मिइ समए पडिहिइ। तं जाव देहो निरुवद्दवो ताव परलोयहि कायर' निच्छियमती अम्मा-पियरमापुच्छइ । तेहिं कहिंचि विसं जिओ अणेगरायसुयसयपरिवारो अमयसागरस्स अणगारस्स समीवे 20 पवइतो, गतो य सुओयहिस्स पारं । विसुज्झमाणचरित्तस्स य से ओहिनाणं समुप्पण्णं । - भवदेवो वि देवलोयाओ चइऊण तत्थ विजए वीयसोगाए नयरीए पउमरहस्स रण्णो वणमालाए देवीए पुत्तो जाओ सिवो नाम । कमेण परिवड्डिओ, जोवणत्यो य रायसुयाहिं सरिसजोवण-लायन्नाहिं सहिओ पासायगओ अभिरमइ।
सागरदत्तो य अणगारो गणपरिवुडो विहरमाणो वीयसोगाए नयरीए उजाणे समो-25 सरिओ। मासखवणपारणए य कामसमिद्धेण सत्थवाहेण गिहागओ पडिलाहिओ । तओ तस्स दव-भाव-पडिगाहगसुद्धिनिमित्तं वसुहारा पडिया । सुयं च सिवकुमारेण । सो सायरं वंदिउं निग्गओ । सागरदत्तो य चउदसपुबी सिवकुमारस्स सपरिवारस्स केवलिपणीयं धम्म आयक्खइ । संसयतिमिराणि य जणस्स जिणो विव विसोहेइ ।
कहंतरे य सिवकुमारो भणइ-भयवं! तुम्भं मे पस्समाणस्स सिणेहो वड्डइ, हिय-30
१ नाइलं उ० ॥ २ वच्चेह ली ३ ॥ ३ गब्भे उ०॥ ४ भूइं उ० विना ।। ५ कलाविहाणो य उ०॥ ६ अणगारस्स इति कसं० विना न ॥ ७ सुयउय° क ३॥