Page Text
________________
वकालचीरिसंबंधो। कहुप्पत्ती ।
१७ पत्तो य सेणिओ राया तं पएस, यदिओ गेण विणएणं, पिच्छइ णं झाणनिश्चलं । 'अहो! अच्छरीयं !!! एरिसं तसि सामत्थं रायरिसिणो पसन्नचंदस्स' त्ति चिंतयंतो पत्तो तित्थयरसमीवं । वंदिऊण विणएणं पुच्छइ-भयवं! पसन्नचंदो अणगारो जम्मि समए मया वंदिओ जइ तम्मि समए कालं करेजा कं गतिं वच्चेज ? ति । भयवया भणियं-सत्तमपुढविगमणजोगो । राया चिंतेइ-साहुणो कहं नरकगमणं ? ति । पुणो 5 पुच्छइ-भययं ! पसन्नचंदो जइ इयाणिं कालं करेज, का से गई भवेज्जा ? । भयक्या भणियं-सघट्टसिद्धिगमणजोगो इयाणिं ति। तओ भणइ-कहं इमं दुविहं वागरणं नरकाऽमरेसु (ग्रन्थाग्रं-४००) तवस्सिणो ? त्ति। भयवया भणियं-झाणविसेसेणं तम्मि इमम्मि य समए एरिसी तस्स असात-सातकम्मादाणता ।सो भणति-कहं ? । भयवया भणियं-तव अग्गाणियपुरिसमुहविणिग्गयं पुत्तपरिभववयणं सोऊण उज्झियपसत्थझाणो तुमे वंदिजमाणो 10 मणसा जुज्झइ भिच्चपराणीएण समं, तओ सो तम्मि समए अहरगइजोग्गो आसी। तुमम्मि य अवगए जायकरणसत्ती ‘सीसावरणेण पहरामि परं' ति लोइए सिरे हत्थं निक्खिवंतो पडिबुद्धो, 'अहो!!! अहं सकजं पयहिऊणं परत्थे जइजणविरुद्धं मग्गमोइन्नो' चिंतेऊण निंदण-गरिहणं करेंतो, ममं पणमिऊण तत्थं चेव आलोइयपडिकंतो, पसत्थझाई संपयं। तं च णेण कम्मं खवियं असुभं, पुन्नं अज्जियं, तेण कालविभागेण दुविहगतिनिद्देसो ॥ 15
ततो कूणिओ पुच्छइ--कह वा भयवं! बालकुमारं रज्जे ठविऊण पसन्नचंदो राया पञ्चइओ ?, सोयुमिच्छं । तओ भणति
पोयणपुरे सोमचंदो राया । धारिणी देवी। सा कइयाइ तस्स रण्णो उलोयणगयस्स केसे रयंती पलियं दद्दूण भणइ-सामि ! दूओ आगओ त्ति । रण्णा दिट्ठी वियारिया, नेय पम्सइ अपुत्वं जणं । तओ भणति-देवि! दिवं ते चक्टुं । तीए पलियं दंसियं 'धम्मदूतो 20 एसो' त्ति । तं च दट्टण परुण्णो राया । उत्तरीएण य से अंसूणि धरेमाणी देवी भणतिजइ लज्जह वुड्डत्तणेण, निवारिजहिति जणो । ततो भणइ-देवि! न एवं, 'कुमारो बालो असमत्थो पयापालणे होज' त्ति मे मंतुं जायं, 'पुचपुरिसाणुचिन्नेण य मग्गेण न गओ हति णे विचारो। तुमं पसन्नचंदं संरक्खमाणी अच्छसु त्ति । सा निच्छियँगमणा । ___ तओ पुत्तस्स रजं दाऊण धाइ-देवीसहिओ दिसापोक्खियतावसत्ताए दिक्खिओ चिर-25 सुन्ने आसमपए ठिओ । देवीए य पुबाहूतो गम्भो परिवड्युइ, पसन्नचंदस्स य चारपुरिसेहिं निवेइओ । पुण्णसमए य पसूया कुमारं, 'वक्कलेसु ठविओ' त्ति वकलचीरी । देवी सूइयारोगेण मया, वणमहिसीदुद्धेण य कुमारो वद्धाविजइ । धाई वि थोवेण कालेण काल
१ झाणि नि° क ३ गो ३॥ २ °वस्सि सा क ३ गो ३ । वस्स सा° उ०॥ ३ गो। ततो चिं. ली ३ उ० विना ॥ ४थगओ चे उ०॥ ५ कहं क ३ उ० ॥ ६ रिअहिली ३। रिज्जिहि उ० ॥ ७ या गमणे कसं० मोसं० उ० ।।
व० हिं. ३
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |