Page Text
________________
कविलाकए नेमित्तिस्स पुच्छा ] सत्तमो कविलालंभो ।
१९९ मे दिट्ठो, इयाणि धिइं लभिस्सामो-त्ति एवं कहेइ । अहं पिणं 'हुं हुं' ति करेमि । चिंतियं च मया-कयमिमीए देवरनाडयं, तं पस्सामि ताव से परिणाम ति । सा य भणतिवच्चामो गिहं ति । ततो पत्थिया मो वेदसामपुरमझेण । विम्हितो जणो पेच्छति मं 'को णु एसो देवरूवि ?' त्ति । अइगतो मि वसुपालियगिहं ति । वणमाला कहेइ घरजणस्स-एस मे देवरो सहदेवो चिरपवसिओ दिट्ठो त्ति । तुटेण य घरजणेण अच्छेर-5 यमिव दिस्सहे । कयपायसोयस्स य सिणेहऽन्भंग-सम्मदण-पघंसण-सिण्हाणाणि वणमाला करेइ सयं । सिणेहऽभंगगत्तस्स परिहियवत्थस्स य चिरायमाणे वसुपालिए उवणीयं मे भोयणं । भुत्तभोयणो य आसणगतो अच्छामि । आगओ वसुपालिओ। तेण मे कओ पैणिवाओ दंसणेणेव । कहियं च से वणमालाए–ताय! एस मे देवरो सहदेवो त्ति । सो भणति-सागयं ते ? त्ति । पुणो पुणो य मे पस्सति । तीए य भणिओ-ताय ! 'तुब्भे 10 चिरायह' त्ति भुत्तो सहदेवो. कहाऽवक्खेवो आसि ? त्ति । सो भणति-सुङ कयं जं भुत्तो, मम पुण वक्खेवं सुणाहि
कविलो राया भिगुणा नेमित्तिणा अण्णया भणिओ-राय ! कविला कण्णा सत्थकाराऽणुमयलक्खणोववेया अड्डभरहाहिवपिउभज्जा भविस्सति । रण्णा पुच्छिओ-कत्थ सो होज्जा ? कहं वा नायबो ? त्ति। सो भणति-निमित्तबलेण भणामि-(ग्रन्थानम्-५६००) 15 जो फुलिंगमुहं आसं दमेहित्ति तं जाणसु. सो पुण गिरितडे संपयं अच्छति देवदेवस्स गिहे । तं वयणं परिघेत्तूण महरिहवत्थाऽऽहरणा जे कुसला मणुस्सा ते भणियाको तं गिरितडाओ इहाणेज्जा अविजाणियं ?। तत्थ इंदसम्मेण इंदजालिएण पडिवणंअहं आणेमि तं तव नेमित्तीकहियं जामाउगं ति । सो सपरिवारो गतो अज बहुयस्स कालस्स आगतो कहेइ राइणो देव! अहं गतो गिरितडं, दिट्ठो य मया सो पुहवितलेति-20 लओ मणस्स अच्छेरयभूओ. विजासाहणववएसेण य निणीओ गामाओ पवयकडयसंसिए य पएसे. विमाणं जंतमयं रज्जुपडिबद्धं विलइओ राओ. ततो णं गगणगमणसंठियं निस्संदं नेमो. विभाए च नाऊण 'हीरामि' त्ति पलाओ, महाजको न सकिओ गहेडं. इमो य मे कालो परिभमंताणं, ण य से सुती वि लद्ध त्ति निवत्ता मो । तं एयमहँ सोऊणं राया विमणो 'कहं तस्स पडिवत्ती होज ?' ति वियारेमाणो अच्छति। तस्स समीवे अहं आसि ।25 ऐसाऽवक्खेवो-त्ति तेण वणमालाए कहियं ।
तं च वयणं सोऊण मे चिंता जाया-जातं इहं अच्छियवं ति । अवरजुके य वसुपालियसमक्खं वणमाला ममं भणति-सहदेवसामि! सकेह फुलिंगमुहं आसं दमेऊणं ?। मया भणिया-आसं दद्दूण तस्स पगती विण्णायए । वसुपालिएणं भणियं-पस्सह आसं
१ गगत्तस्स उम्मद्द° शां० विना ॥ २ थनियत्थस्स शां० ॥ ३ पणामो दसणेण । क° शां० विना ।। ४°ति सुरदेव शां० ॥५ °लसं(म)गलतिल° शां० ॥ ६ मणुस्सअ° शां० ॥ ७ उ० मे० विनाऽन्यत्र-सि. यपए ली ३ शां० सियए य पएक ३ गो ३॥ ८ से पउत्ती वि क ३ गो०॥ ९ एसो व शां० विना ।।
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |