Page Text
________________
अणारियवेदुप्पत्ती] पंचमो सोमसिरिलंभो।
१८५ उसहसामिनिवाणं
भयवं च जयगुरू उसभसामी पुव्वसयसहस्सं वाससहस्सूणयं विहरिऊण केवली अट्ठावयपव्वए सह दसहिं समणसहस्सेहिं परिनिव्वाणमुवगतो चोदसेणं भत्तेणं माघबहुले तेरसीपक्खे अभीइणा णक्खत्तेणं एगूणपुत्तसएण अट्ठहि य नत्तुयएहिं सह एगसमयेण निव्वुओ। सेसाण वि य अणगाराणं दस सहस्साणि अट्ठसऊणगाणि सिद्धाणि तम्मि चेव 5 . रिक्खे समयंतरेसु बहुसु । ततो भरहो राया परमसंविग्गो सुरा-ऽसुराहिवा सहस्सनयणादयो तीसु सिबिगासु थावेऊण सिद्धसरीराणि तित्थयर-इक्खागवंस-सेसाणं अणगाराणं, महया तूरनिनाएणं कुसुमवरिसाणि वरिसंता नाइदूर नेऊण, गोसीसचंदणचितीसु थावेऊण, जहाकमेण थुणंता सुतिमहुराहिं थुतीहिं पयाहिणं करेंति देव-गंधव्वा सअच्छरगणा । ततो सक्कसंदितुहिं अग्गिकुमारेहिं देवेहिं अग्गिमुहाणं विउव्विय अग्गी उप्पाइया, तप्प-10 भिई रूढं लोए 'अग्गिमुहा देव' ति । ततो सुरहिगंधव्वपब्भारं घयं महुं च पक्खिवित्ता दहति सिद्धसरीराणि देवा । उयहिकुमारेहि य खीरोदसायरसलिलेण निवावियाओ चिया
ओ । गहिया य देविंदेहिं जिणसकहाओ मंगलत्थं, नरवईहि य सिद्धसरीरावयवा, जणेण माहणेहि य अग्गी नीओ चियगाहिंतो । पिहप्पिहा य थाविउ पयत्तेणं सारक्खंति । जस्स य उग्गा काय सरीरपीडा सो तीए भूईए छित्तो सत्थो भवति । ततो ते तमग्गि चंदण-15 कठेहिं सारक्खेति । भरहो य राया पूएति । तेहिंतो अग्गिकुंडउपपत्ती माहणाणं । थूभा य कारिया भरहेण जिणपरिणिवाणभूमीए, महिमं च करेइ । माहणा वि जिणभत्ति(त्ति)चक्कवट्टिअणुमतीए महेंति, समागया वि जिण-चक्कवट्टीहिया । आइच्चजसादीहि य सुवण्णसुत्ताणि दिण्णाणि माहणाणं । __ एवं आरियाणं वेयाणं माहणाणं च भरहाओ पढमचक्कवट्टीओ उग्गमो । 20 सावयपण्णत्ती वेदो कालेणं संखित्तो तुच्छो धरति ।
॥ एसा आरियवेदउपपत्ती॥ खंदिल! इदाणिं सुणह अणारियाणं वेदाणं उप्पत्तिकारणंसगरसंबंधो
अत्थि चारणजुवलं नाम नयरं । तत्थ अयोधणो नाम राया । तस्स दितिनाम महा- 25 देवी। तीसे सुलसा नाम दुहिया, सा परमरूववती, सुरजुवईणं पि विम्यजणणी, रूवलच्छीए लच्छी विव कमलवणविणिग्गया । तं च दवणं तहागयं जाणिऊणं पिउणा से अजोधणेण सयंवरो आदिट्ठो। विदितकारणा समागया रायाणो। अपराजित-जियभय-भीमअरिंद-सम-भीसण-मघवं-सुजात-महुपिंगल-हिरण्णवम्म-घणरहपभितओ अणेगे कुलसील-विण्णाणसालिणो समागया रायाणो। अहिराया य तं समयं साकेए नयरे सगरो नाम 30
१°ब्विया अ° शां० विना ॥२ रूढिं ली ३ उ० मे.॥३°उ चेय गं सा शां० विना ॥ ४ काइ स उ० मे०॥५'रिसाणं शां०॥ ६ रिसवे शां० ॥७°तरुभय ली ३ मो० सं० गो ३। तरभय कसं. उ० मे० ॥ ८ सम्म° उ. मे०॥९ °सुजाभमहु शां० विना ॥ १० °णधम्म शां० विना ॥
व०हिं. २४
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |