Page Text
________________
वसुदेवहिंडीए
[ जंबुचरिए महुबिंदुदिट्ठतं
परिणयवया धम्ममायरंतो न गरहिया । तओ भणियं जंबुनामेगं - पभव ! जं पसंससि विसयहं तत्थ सुणसु दिट्ठतंविसय सुहोवमाए महुबिंदुदितं
८
कोइ पुरिसो बहुदेस - पट्टणवियारी अडविं सत्थेणं समं पविट्ठो । चोरेहि य सत्थो 5 अब्भाहतो । सो पुरिसो सत्थपरिभट्ठो मूढदिसो परिव्भमंतो दाणदुद्दिणमुहेण वणगएणाभिभूओ । तेण पलायमाणेण पुराणकूवो तेण-दब्भपरिच्छन्नो दिट्ठो । तस्स तडे महंतो वडपायवो, तस्स पारोहो कूवमणुपविट्ठो । सो पुरिसो भयाभिभूओ पारोहमवलंबिऊण ठिओ कूवमज्झे, आलोएइ य अहो -- तत्थ अयगरो महाकाओ विदारियमुहो गसिउकामो तं पुरिसमवलोइ । तिरियं पुण चउद्दिसिं सप्पा भीसणा डसिउकामा चिट्ठति । पैरोह10-मुवरिं किण्ह-सुकिला दो मूसया छिंदंति । हत्थी हत्थेण केसग्गे परामुसति । तम्मि य पायवे महापरिणाहं महुं ठियं । गयसंचालिए य पायवे वातविधूया महुबिंदू तस्स पुरिसम्स केइ मुहमाविसंति, ते य आसाएइ । महुयरा य डसिउकामा परिवयंति समंतओ ॥
तस्स एवंगयस्स जं सुहं मन्नसि तं भणाहि ॥
------
चिंतेऊण पभवो भणइ - जंबुनाम ! जे महुबिंदू अहिलसइ तत्तियं तस्स सुहं तक्केमि, से दुक्खं ति ।
जंबुनामेण भणिअं - एवमेयं । उवसंहारो पुण दिट्ठतस्स -
जहा सो पुरिसो, तहा संसारी जीवो । जहा सा अडवी, तहा जम्म-जरा-रोगमरणबहुला संसाराडवी । जहा वणहत्थी, तहा मच्चू । जहा कूवो, तहा देवभवो मणुस्सभवो य । जहा अयगरो, तहा नरगै- तिरिअगईओ । जहा सप्पा, तहा कोध - माण - माया लोभा 20 चत्तारि कसाया दोग्गइगमणनायगा । जहा परोहो, तहा जीवियकालो । जहा मूसगा, तहा काल - सुकिला पक्खा राई दियदसणेहिं परिक्खिवंति जीविअं । जहा दुमो, तहा कम्मबंधणऊ अन्नाणं अविरति मिच्छत्तं च । जहा महुं, तहा सह-फरिस - रस-रूव-गंधा इंदियत्था । जहा महुयरा, तहा आगंतुगा सरीरुग्गया य वाही ॥
तस्सेवं भयसंकडे वट्टमाणस्स कओ सुहं ?, महुबिंदुरसँमाययओ केवलं सुहकपणा ॥
25
जइ पुण पभव ! कोइ रिद्धिमं पभवंतो गगणचारी भणेज्जा - एहि सोम ! गिरह मे हत्थे, जा ते नित्थामि । भव ! सो इच्छेजा ? । पभवो भणति — कहं न इच्छिहिति दुक्खपंजराउ मोइज्जंतो ? । जंबुनामो भणइ – कयाइ सो मूढयाए मधुगाही पभणेज्जा — होउ ताव मे तित्ती मधुस्स, तो मे नित्थारेहिसि त्ति । कओ पुण तस्स तित्ती ? । परिच्छिन्नाधारो अवस्स पडिहिति अयगरमुंहे । पभव ! अहं उक्लद्धसब्भावो न भविस्सं पमादी ||
१°° गो ३ मो० खं० ॥ २ तिण क ३ | ३ अइगरो क ३ गो ३ ॥ ४ पारो क ३ उ० ॥ ५ गो ति° डे० विना ॥ ६ °णदाय' मो० सं० ॥ ७° सासायओ क ३ उ० ॥ ८ मधुमोही क ३ । मधुमेही उ० ॥ ९ मुद्देसु य० ० ॥
Jain Education International
For Private & Personal Use Only
www.jainelibrary.org
| SR No. | 001888 |
| Book Title | Vasudevhindi Part 1 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1930 |
| Total Pages | 210 |
| Language | Sanskrit |
| Classification | Book_Devnagari, Story, & Literature |
| File Size | 18 MB |