Vasudevhindi Part 1

SR No.: 001888
Original Sutra Author: Sanghdas Gani
Author: Chaturvijay, Punyavijay
Publisher: Atmanand Jain Sabha
Publication Year: 1930
Total Pages: 210
Language: Sanskrit
Classification: Book_Devnagari, Story, & Literature
File Size: 18 MB

Page 138

विण्हुगीइगाए उपत्ती य] तइओ गंधवदत्तालंभो । अम्हे सरदे गमिस्सामो । सो भणइ-सत्तरत्तस्स परओ जो अच्छति सो मे वज्झो । तेहिं भणियं-समवाएऊणं तुम्हें कहेहामु त्ति ।
तेहिं मिलिएहिं थेरेहिं संदिटुं-अजो! जस्स भे रिद्धी अत्थि सो कहेउ, संघकजं गुरुकमुप्पण्णं । तत्थेगेण साहुणा भणियं-मम आगासगमणसत्ती अत्थि, आणवेह जं करणिजं । संघथेरेहिं भणियं-वञ्च तुम अजो!, विण्डं अंगमंदराओ कल्लं आणेहि । सो 5 'तह'त्ति पडिसुणेऊणं खणेणं गतो । निवेदिया णेण संघाणत्ती । विण्हुणा भणियं-वीसमह भंते !, हिजो जाइस्सामो। पसुत्तं च तं गहेऊण गतो गयपुरं । कहिओ य से नमुइपुरोहियनिच्छओ 'निव्विसया होहि'-त्ति । विण्हुणा विण्णविओ-संघो सुनिव्वुओ होउ, मज्झ भारो इयाणि ति । गतो य णमुइसमीवं । अब्भुडिओ नमुइणा । ततो भणइ विण्हूअच्छंतु साहू वासाकालं । ततो नमुई भणति-तुम्हे सामी महापउमस्स रण्णो, किमंग 10 पुण ममं ?. तुम्हे ण भणामि, 'समणा मया निव्विसया कायव्वा' निच्छओ । विण्हुणा भणिओ-पाणबहुला मेइणी इमम्मि समए, विरुद्धं जइजणस्स संचरित्रं. जइ तवाणुमए उजाणगिहेसु वासाकालं गमेऊणं पुरमपविसमाणा परदेसं वच्चिहिंति तो वि ते मम वयणं कयं होहिइ । नमुई भणति–जे मम घाएयव्वा ते उजाणेसु मे कहिं वसिहिंति ? त्ति । विण्हुणा भणिओ नमुई-भरहादीहिं राईहिं साहवो पालिया, विसेसेण पूइया य.15 तं जइ न पूएसि णाम, जं पुण भणसि 'वहेयत्व'त्ति तं ण रायचरियं. दस्सूणं पि एयं न दीसए. उवसम, गए वाससमए विहरिस्संति अण्णपत्थिवरजाणि त्ति । ततो भणति-जं भणह 'न एवं रायचरियं, पुवपुरिसा य साहुपूअगा आसित्ति तं जो रायसुओ पिउपियामहपरंपरागयं रायसिरिं अणुभवति तस्सेसा धम्मया होज. अहं पुण पढमराया नियगवंसे, किं मम परचरिएणं ?. न मे कजं समणेहिं. सत्तरत्तपरओ जं पस्सामि संचरंतं न 20 सो जीविहिति. अतीह, तुब्भे न भणामि किंचि, सेसाणं नत्थि जीवियं इओ वि परउ ति।
तओ अणगारो विण्हू चिंतेइ-अहो! नमुई दुरप्पा साहू वहेउमिच्छति, न मे जुत्तं एसा संघपीडा उवेक्खिय् ति । ततो ण णमुई भणिओ-नमुइ! जइ सि एवं ववसिओ तो मे एक वयणं करेहिं-देहि मे विवित्ते पएसे तिन्नि विक्कमे, तस्थ तवोहणा ठिया पएसे पाणपरिचायं काहिंति. न से कप्पइ इमम्मि काले विहरिलं. एवंपमाणे भूमिपदेसे 25 दिण्णे मम वयणं कयं होइ, तव य वहपइण्णा णाम । ततो परितोसवियसियच्छो भणति-जइ सच्चमेयं, ततो भूमिपमाणाओ जीवंता जइ न निग्गच्छंति तो देमि । विण्हुणा सामरिसेणं 'तह' त्ति पडिस्सुयं । निग्गया य नयरबाहिं । नमुइणा 'बत्त मया, मिणासु' त्ति उदाहरियं । विण्हुणा बि पडिच्छियं ति । ततो रोसवसपजलिओ मिणिउकामो विउवियसरीरी पवडिओ, उक्खित्तो य चलणो । नमुई भयमोहिओ 30
१ भणगारं मंद° उ० ॥ २ भरो ली ३ विना ॥ ३ °णा भणियं दत्तं शां० विना ॥ ४ °मिण उ२ विना॥
व.हिं० १७
-
-