Vasudevhindi Part 1

SR No.: 001888
Original Sutra Author: Sanghdas Gani
Author: Chaturvijay, Punyavijay
Publisher: Atmanand Jain Sabha
Publication Year: 1930
Total Pages: 210
Language: Sanskrit
Classification: Book_Devnagari, Story, & Literature
File Size: 18 MB

Page 124

वसुदेवपुधभवपरियं] पढमो सामाविजयाळंभो । धूयाओ अणुमग्गजायाओ । माउलगेण भणिओ-नंदिसेण ! अच्छ पीसत्थो, अहं लव धूयं दाहामि, गावीण वित्तिं वहसु त्ति । सा य दारिया पत्तजोवणा 'दमगस्स दिजामिति सोऊण भणइ.-जइ एयस्स एवंगयस्स दिजामि त्ति तो मारेमि अप्पाणं । सुयं च नंदिसेणेण । भणिओ य माउलगेण-पुत्त! मा अधिति करेहिं . जा तुमं निच्छइ किं च तीए तुझं ?. अहं ते बितियं दाहामि त्ति । पत्तसमए वीयाए वि नेच्छिओ । एवं ततियाए वि5 निच्छिओ । माउलेण पुणो भणिओ-जइ वि सि तुम तिहिं वि निच्छिओ, तं मा बाहिरभावो होहि. अहं तव अण्णत्तो वि विसिट्ठतरं संबंधं काहं. निव्वुओ होहि । ततो नदिसेणेण चिंतियं—जो हं एयाहिं वहहिं निच्छिओ, पराओ ममं किह इच्छिहिंति ? । परमेण मणसंतावेण निग्गओ गामाओ रयणपुरमागतो, वसंतो य वट्टए, पस्सए य तरुणे इच्छियजुवइसहाए उववणेसु रममाणे । ततो निंदमाणो अप्पाणं 'अहो! अहं दूभगसेणा-10 वती, किं च मे एयारिसेणं जीविएणं ?' ति संपहारेऊण जायनिच्छ ओ एग उववणं नगरस्साऽदूरे असंपायं रुक्ख-गुच्छ-गुम्म-लयागुविलमइगओ। ___ तत्थ य एगम्मि लयाहरे सुट्टिओ नाम अणगारो साइसयो पसत्थज्झाणोवगतो चिट्ठति । नंदिसेणो य तं अपस्समाणो मरिउकामो तस्साऽऽसण्णे लयापासं बंधति । साहुणा य साणुकंपेण निवारिओ-नंदिसेण! मा साहसं ववससु त्ति । तेण समंतओ अबलोइयं 15 जायाऽऽसंकेण-गामाओ मे कोइ पच्छओ आगओ होजा जो मं पडिसेहति । अपस्समाणो य कंचि पुणरवि बंधेऊण पवत्तो, पुणो वि वारिओ, सद्द दिसाभाएण तं पएसं गतो, अभि. वायणं काऊण आसीणो। भणिओ नियमसुट्ठिएणं सुट्टिएणं-सावय! अकयधम्मो गती परलोयं दुक्खनिविण्णो किह सुही भविस्ससि ? ति । ततो भणइ-को पञ्चओ जहा अधि परलोगो? धम्मेण वा कएण सुहं लब्भइ? त्ति । ततो साहू ओहिणाणपगासियभावो 20 भणइ-अत्थि पञ्चओ, सुणाहिपरलोगपच्चए धम्मफलपच्चए य सुमित्ताकहा
वाणारसीए हयसत्तू राया । तस्स दुहिया सुमित्ता बालभावे गिम्हे पुवावरण्हकाले भुत्तभोयणा पसुत्ता, पाणियपडिफोसियतालविंटेण वीइजमाणी सीयलजलकणगसित्ता ‘णमो अरहताणं'ति भणंती पडिबुद्धा, पडिचारिगाहिं पुच्छिया-सामिणि ! के अरहंता ? जेसिं 25 - भे नमोकारो कओ । सा भणइन याणं, अवस्सं पुण नमोकारमरिहति । ततो णाए धाई सदाविया, भणिया य-अम्मो! गवेसेसु ताव के अरहंत ?'त्ति । तीए पुच्छंतीए समणीओ दिट्ठाओ अरहंतसासणरयाओ, आणियाओ य कुमारिसमीवं । पुच्छियाहिं अणाहिं कहियाभरहेरवयवासे विदेहवासे य संभवो धम्मादिकराणं, इमं च विमलस्स अरहओ तिथं । ततो सा भणइ-अज मया पडिबुझंतीए कओ नमोकारो । ततो ताहिं भणिया-तुमे अ-30 रहंतनमोकारप्पभावेण इमा रिद्धी पत्ता णूणं, जओ ते पुखभावगाए कओ नमोकारो । 'एवं ति
१ °वासविदेहवाससंभ शां० ॥ २ 'त्य ति । तो सा उ २ विना ।।