Vasudevhindi Part 1

SR No.: 001888
Original Sutra Author: Sanghdas Gani
Author: Chaturvijay, Punyavijay
Publisher: Atmanand Jain Sabha
Publication Year: 1930
Total Pages: 210
Language: Sanskrit
Classification: Book_Devnagari, Story, & Literature
File Size: 18 MB

Page 109

वसुदेवहिंडीए [ पजुण्णस्स वेयन्मीए पाणिग्गहणं ण्णस्स' त्ति. ततो अम्हेहिं पाणवेसेहिं जाइओ भणति-दिण्णसयंवरा कण्णा. तं जइ ते रुइयं अम्हेहिं सह गंतुं, भण णं, हरामु अम्हे । ततो पज्जुण्णरूवमोहिया भणति-पिउणा विसजियाए तुब्भे मे पभवह त्ति। ते निग्गया, पुणो रायं चोएंति-पुच्छिजउ कुमारी, किं चिरेणं ति ? । सदाविया वेयब्भी, पाणे पस्सइ साभाविए, एवं पुच्छिया-पुत्त ! एतं पाणं 5 वरेहि जय ते रोयइ ।सा भणइ-तुब्भेहिं अहं पुत्वमेव दत्ता पाणाणं, इयाणिं किं पुच्छिज्जामि ?. धुवं मण्णे-पाणीए होयवं, जओ तुम्भं एरिसी वाया निग्गया । ततो रुसिएण रुप्पिणा भणिया--जइ ते एरिसं चित्तं, वच्च, मा मे पुरओ चिट्ठसुत्ति । ततो सा एवंभणिया रुप्पिणो भवणाओ निग्गया पउमसंडाओ विव सिरी पणमिय पिउणो, पज्जुण्ण-संबसहिया गया पाणकुंडं । दीसंताणि य जणेण रूव-गुणयहियएण तिन्नि वि जणाणि भोयकडाओ निग्गंतूण 10 विज्झगिरिसमीवे पण्णत्तीए उवणीयभोयणाच्छायाणि वुत्थाणि। पजुण्णेण य पाणिग्गहणत्थं विउव्वियं दिवभूतिजुयं रयणमंडियं पासायं । पट्टविया य आभरण-वसणपहाणभूसिया पुरिसा। ते रायाणं सपरिवारं माहण-णागरे य निमंति—कल्लं तुन्भेहिं आगंतवं वहूए अक्खए छोढुं, जइ अम्हेहिं सह संबंधो इच्छिज्जइ पीई वा । ते गया। छूढा य चारपुरिसा । तेहिं दिट्ठो पण्णत्तीपरिवारो, विम्हिएहि य कहियं रण्णो जहादिहुँ । माहणाणं णागराण य सम15 वाओ-रण्णो जामाया अवजाणिओ मा रुसिँहिति अम्हे, कुद्धो विणासेज, वच्चामो त्ति । रणो विदितं माहणा णागरा ईसरा य गया, संपूइया वत्था-ऽऽभरणेहिं, भुत्तभोयणा नियत्ता पाणगुणगणविम्हिया । इयराणि गयाणि बारवतिं खणेण । संबेण य भणिओ पज्जुण्णो-देव! पाणीवेसेण वेदम्भी अइणिजउ बारवति ततो मे पीई भविस्सइ, जहा वयं भोयकडे चंडाला आसी । वेदब्भी भणइ-संवसामि! किं मया चंडालो कओ जओ 20 एवं जंपसि?. पसिय, मा मं विडंबेहि इहमाणेऊण । ततो भणति-अम्मासमीवे मुहुत्त
मेत्तं कीरउ से चंडालवेसो, विक्किणउ तंतीओ। पजुण्णेण भणियं-एवं होउ त्ति । दंसिया वेदब्भी रुप्पिणिभवणदुवारे । संबो अइगतो कयप्पणामो भणइ-अम्मो! एस चंडाली दुवारे ट्ठिया तंतीउ विकिणइ । तीए भणिओ-पुत्त ! केण एसा एत्थ अइणीया ? । चेडीहिं दिट्ठा, निवेइया य देवीए-सामिणिओ! जइ एरिसी सिरीभयवतीओ तो अच्छेरं, पेच्छह 25 ताव मायंगि त्ति । तीए अवलोइया, पजुण्णो य पडिओ माउपाएसु भणइ-अम्मो ! दि
ण्णा मामेण वेयब्भी पाणाणं ति । पुच्छिओ 'किह ?' त्ति जहावत्तं कहेति । विदितं कयं केसवस्स, तुट्ठा य रुप्पिणी, तेण वि 'पियपुत्तओ' त्ति बहुमैओ, कओ सकारो वहूए ।
संबो कलाओ आगमेइ सवयंसो । कमेण य पत्तो जोवणं बितियवासुदेवोवमो । बुद्धि
१ भेणेह त्ति शां० ॥ २ रायं जपंति ली३। राइं चोएंति शां० ॥ ३ कुंडी शां० विना ॥ ४ °णाणि पजुण्णेण य पाणिग्गह क ३ गो ३ । णादिग्गह° ली ३ ॥ ५ °मंडवं पह° शां० ॥ ६ हिलि शां० विना ॥ ७ पाणवेशां० विना॥ ८ °सी भयवती सिरीओ तो शां०॥ ९ °हित्तिक ३ गो ३ ॥१० °मयं शां० ॥