________________
-
૪૧૬
[દશ વૈકલિક (१८८) सयणासणवत्थं वा, भत्तपाणं व संजए।
अदितस्स न कुप्पेज्जा, पञ्चक्खे वि अदीसओ ॥२-२८॥ (१८९) इथिअंपरिसंवा वि, डहरं वा महल्लगं ।
वंदमाणं न जाइज्जा, नो अणं फरसं वए ॥२-२९॥ (१८०) जे न वंदे न से कुप्पे, वंदिओ न समुक्कसे ।
एवमन्नेसमाणस्स, सामण्णमणुचिट्ठइ ॥२-३०॥ (१८१) सिया एगइओ लड़े, लोभेण विणिगृहइ ।
मामेयं दाइयं संतं, दणं सयमायए ॥२-३१॥ (१८२) अत्तट्ठागुरुओ लुद्धो, बहुं पावं पकुव्वइ ।
दुत्तोसओ य सो होइ, निव्वाणं च न गच्छइ ॥२-३२॥ (१८3) सिआ एगइओ लड़े, विविहं पाणभोअणं ।
भद्दगं भदगं भुच्चा, विवन्नं विरसमाहरे ॥२-३३॥ (१४४) जाणंतु ता इमे समणा, आययट्ठी अयं मुणी।
संतुट्ठो सेवए पंतं, लूहवित्ती सुतोसओ ॥२-३४॥ (१८५) पूयणट्ठा जसोकामी, माणसंमाणकामए ।
बहुं पसवई पावं, मायासलं च कुव्वइ ॥२-३५॥ (१८६) सुरं वा मेरगं वा वि, अन्नं वा मज्जगं रसं ।
ससक्खं न पिबे भिक्खू , जसं सारक्खमप्पणो ॥२-३६॥ (१८७) पियइ एगओ तेणो, न मे कोइ विआणइ ।
तस्स पस्सह दोसाई, नियडिं च सुणेह मे ॥२-३७॥ (१८८) वडढइ सों(सु)डिआ तस्स, मायामोसं च भिक्खुणो।
अयसो अ अनिव्वाणं, सययं च असाहुया ॥२-३८॥
Jain Education International
For Private & Personal Use Only
___www.jainelibrary.org
