________________
-
D
-
४०६
[દશવૈકાલિક (८१) जत्थ पुफाई बीआई, विप्पइन्नाई कोट्ठए ।
अहुणोवलितं उल्लं, दट्टणं परिवज्जए ॥१-२१॥ (८२) एलगं दारगं साणं, वच्छगं वा वि कुट्टए ।
उल्लंधिया न पविसे, विउहिताण व संजए ॥१-२२॥ (८3) असंसत्तं पलोइज्जा, नाइदुरावलोअए ।
उप्फुल्लंन विनिज्झाए, नियट्टिज्ज अयंपिरो॥१-२३।। (८४) अइभूमि न गच्छेज्जा, गोअरग्गगओ मुणी ।
कुलस्स भूमि जाणित्ता, मियं भूमि परकमे ॥१-२४॥ (८५) तत्थेव पडिलहिज्जा, भूमिभागं विअक्खणो ।
सिणाणस्स य वच्चस्स, संलोगं परिवज्जए ॥१-२५॥ (८६) दगमट्टियआयाणे, बीयाणि हरियाणि अ ।
परिवज्जतो चिट्ठिज्जा, सव्विदियसमाहिए ॥१-२६॥ (८७) तत्थ से चिट्ठमाणस्स, आहरे पाणभोअणं ।
अकप्पिन गेण्हिज्जा, पडिगाहिज्ज कप्पिअं॥१-२७॥ (८८) आहरंती सिया तत्थ, परिसाडिज्ज भोयणं ।
दितिअं पडिआइक्खे, न मे कप्पइ तारिसं ॥१-२८॥ (८४) संमद्दमाणी पाणाणि, बीआणि हरिआणि अ ।
असंजमकरि नच्चा, तारिसिं परिवज्जए ॥१-२९॥ (८०) साहटु निक्खिवित्ता णं, सचित्तं घट्टिआणि य ।
तहेव समणट्टाए, उदगं संपणुल्लिआ ॥१-३०॥ (८१) ओगाहइत्ता चलइत्ता, आहरे पाणभोअणं ।
दितिअं पडिआइक्खे, न मे कप्पड़ तारिसं॥१-३१॥
Jain Education International
For Private & Personal Use Only
www.jainelibrary.org
