________________
तत्तो य तेहिं गंतुं पल्लीवइणो समप्पिओ एसो । एत्थंतरम्मि दिट्ठो धणदेवो देवसम्मेण ॥ ३४ ॥ तत्तो य तेण भणिओ सदुक्खमेवं तु पल्लिनाहस्स । हा! हा! सामिय! एसो महाणुभावो स धणदेवो ॥ ३५ ॥ जेण तया तुह तणओ जोगियगहिओवि मोइओ आसि । दाउं सुवनलक्खं निक्कारणवच्छलेणं तु ॥ ३६ ॥ जयसेणकुमरजीवियदाया धणधम्मसेट्ठिपुत्तो सो । परमुवयारी सामिय! कहणु अहन्नेहिं विहिउत्ति? ॥ ३७ ॥ इय देवसम्मभणियं सोउं संभंतलोयणो सहसा । अह भणइ सुप्पइट्ठो मुंचह मुंचह महाभागं ॥ ३८ ॥ पासट्ठियपुरिसेहिं तक्खणमुच्छोडिया य से बंधा । पल्लीवइणा ताहे अवगूढो सायरं एसो ॥ ३९ ॥
ततश्च तै-र्गत्वा पल्लीपतेः समर्पित एषः ।। अत्रान्तरे दृष्टो धनदेवो देवशर्मणा ॥ ३४ ॥ ततश्च तेन भणित: सदुःखमेवं तु पल्लिनाथस्य । हा ! हा ! स्वामिन् ! एष महानुभावः स धनदेवः ॥ ३५ ॥ येन तदा तव तनयो योगीगृहीतोऽपि मोचितोऽऽसीत् । दत्त्वा सुवर्णलक्षं निष्कारणवत्सलेन तु ॥ ३६ ॥ जयसेनकुमारजीवितदाता धनधर्मश्रेष्ठीपुत्रः सः । परमोपकारी स्वामिन् ! कथन्नु अधन्यैर्विहित इति? ॥ ३७ ॥ इति देवशर्माणितं श्रुत्वा संभ्रान्तलोचनः सहसा । अथ भणति सुप्रतिष्ठो मुञ्चत मुञ्चत महाभागम् ॥ ३८ ॥ पार्श्वस्थितपुरुषैस्तत्क्षणमुच्छोटिताश्च तस्य बन्धाः । पल्लीपतिना तदाऽवगूढः सादरमेषः ॥ ३९ ॥
१. अधन्यैः ‘अस्मामिः' इति शेषः । २. संभ्रान्तलोचनः संभ्रमयुक्तनयनः ।
५०
द्वितीयः परिच्छेदः
सुरसुन्दरीचरित्रम्
Jain Education International
For Private & Personal Use Only
www.jainelibrary.org
